សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅវេលាម៉ោង៤ទៀបភ្លឺ ថ្ងៃទី២៧ ខែមេសា ឆ្នាំ២០១៧ ជនសង្ស័យម្នាក់ ក្នុងចំណោម២នាក់ជិះម៉ូតូ១គ្រឿង ម៉ាកនិច ត្រូវកម្លាំងព្រហ្មទណ្ឌចំការមន ឃាត់ខ្លួន បន្ទាប់ពីធ្វើសកម្មភាពឆក់កាបូបពីនារីម្នាក់បានសម្រេច មុខផ្ទះលេខតាមបណ្ដោយផ្លូវលេខ៤៣០ ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។
ជនសង្ស័យមានឈ្មោះ អៀម សុខបារាំង ភេទប្រុស អាយុ២២ឆ្នាំ ស្នាក់នៅផ្ទះសង្កាត់អូឫស្សី៤ ខណ្ឌ៧មករា មុខរបរមិនពិតប្រាកដ ។
បើតាមប្រភពព័ត៌មានពីសមត្ថកិច្ចបានប្រាប់អោយដឹងថា នៅមុនពេលកើតហេតុ កម្លាំងប៉ុស្តិ៍ទំនប់ទឹកកំពុងល្បាត ស្រាប់តែឃើញជនរងគ្រោះជិះម៉ូតូហើយស្រែកឲ្យជួយចាប់ចោរ ខណៈមកដល់ចំណុចកើតហេតុខាងលើ ស្រាប់តែសមត្ថកិច្ចឃើញជនសង្ស័យ២នាក់ជិះម៉ូតូ១គ្រឿងម៉ាកនិចអត់ពាក់ស្លាក់លេខ ភ្លាមៗ នោះជនសង្ស័យខាងលើបានព្យាយាមជិះគេចខ្លួនតែត្រូវ សមត្ថកិច្ចខណ្ឌចំការមនកំពុងល្បាត ក៏បានដេញតាម ពីក្រោយ ម៉ូតូ ជនសង្ស័យរហូតមកដល់ក្បែរផ្សារអូឫស្សី ជនសង្ស័យក៏បានដួលម៉ូតូ ក៏ត្រូវសមត្ថកិច្ចចាប់បានតែម្តង ចំណែក ម្នាក់ទៀតរត់គេចខ្លួនបាត់ស្រមោល។
ក្រោយ ពេល កើតហេតុជនសង្ស័យ ត្រូវ បាន សមត្ថកិច្ច នាំ ទៅ កាន់ ប៉ុស្តិ៍ នគរបាល រដ្ឋបាល ទំនប់ទឹក សាកសួរ និង កសាង សំណុំរឿង បញ្ជូន ទៅ អធិការដ្ឋាន នគរបាល ខណ្ឌចំការមនដើម្បី ចាត់ការ បន្ត តាម នី តិ វិធី ៕ ស រស្មី
