សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ: កម្លាំងនគរបាលខណ្ឌឬស្សីកែវ សហការជាមួយនិងប៉ុស្តិ៍ស្វាយប៉ាកធ្វើការឃាត់ខ្លួន ជនសង្ស័យប្រុសស្រីចំនួន៣នាក់ បន្ទាប់ពីត្រួតពិនិត្យរកឃើញថ្នាំញៀនចំនួន៥កញ្ចប់ជាប់នឹងខ្លួន កាលពីវេលាម៉ោង ៨និង៤០នាទីយប់ ថ្ងៃទី១២ ខែឧសភា ឆ្នាំ២០១៧ ស្ថិតនៅចំណុចផ្សារតាប៊ុន ក្នុង ក្រុមទី៤ ភូមិឡកំបោរ សង្កាត់ស្វាយប៉ាក ខណ្ឌឬស្សីកែវ ។
មន្រី្តនគរបាលប៉ុស្តិ៍ស្វាយប៉ាក បានឲ្យដឹងថា ជនសង្ស័យដែលឃាត់ខ្លួនបាន ទី១ឈ្មោះ ឯក ស្រីឡាង ភេទស្រី អាយុ៣៤ឆ្នាំ ជនជាតិវៀតណាម មុខរបរនិងទីកន្លែងស្នាក់នៅមិនពិតប្រាកដ (ជួញដូរ ) ទី២ឈ្មោះ ចាំង យ៉ាំងឡោម ភេទប្រុស អាយុ៤៣ឆ្នាំ ជនជាតិវៀតណាម មុខរបរនិងទីកន្លែងស្នាក់នៅមិនពិតប្រាកដ (ប្រើប្រាស់) និងជនសង្ស័យទី៣ ឈ្មោះ ផេង ឡា ភេទស្រី អាយុ៣៧ឆ្នាំ មុខរបរនិងទីកន្លែងស្នាក់នៅមិនពិតប្រាកដ (ប្រើប្រាស់)។ក្នុងនោះដែរសមត្ថកិច្ចបាន ដកហូតបានថ្នាំញៀនចំនួន៥ កញ្ចប់តូចរួមនឹងឧបករណ៍សម្រាប់ប្រើប្រាស់គ្រឿងញៀងមួយចំនួនផង គ្រដែលប្រជាពលរដ្ឋល្អបានរាយការប្រាប់អំពីសកម្មភាពជួញដូរ និងប្រើប្រាស់ថ្នាំញៀននៅចំណុចផ្សារប៊ុន ។
បច្ចុប្បន្នជនសង្ស័យខាងលើ រួមនឹងវត្ថុតាង ត្រូវបានសមត្ថកិច្ចនគរបាលប៉ុស្តិ៍ស្វាយប៉ាកនាំទៅឃុំខ្លួនបណ្តោះអាសន្ននៅអធិការដ្ឋាននគរ បាលខណ្ឌឫស្សីកែវ ដើម្បីសាកសួរ និងចាត់ការតាមនីតិវិធី ៕ ប្រាថ្នា
