នារីរូបស្រស់៣នាក់ជិះម៉ូតូលឿនដល់ចំណុចផ្លូវកោងមិនបន្ថយល្បឿនដួលបណ្តាលឲ្យរបួសធ្ងន់ស្រាល

ភ្នំពេញ៖​ ហេតុការណ៍គ្រោះថ្នាក់ចរាចរណ៍មួយ បង្កឲ្យមានការភ្ញាក់ផ្អើលដល់នារីៗ បម្រើការខារ៉ាអូខេចេញមកជួយលើក បន្ទាប់នារីរូបស្រស់៣នាក់ ជិះម៉ូតូឌុបគ្នាក្នុងល្បឿនលឿន ខណៈមកដល់ចំណុចផ្លូវកោង មិនបន្ថយល្បឿនក៏ជ្រុលដួលបណ្តាលឲ្យរងរបួសធ្ងន់ និងស្រាល។

ហេតុការណ៍នេះបានកើតឡើងកាលពីយប់ថ្ងៃទី២៥ ខែ​ឧសភា ឆ្នាំ២០១៧​ នៅចំណុចមុខហាងខារ៉ាអូខេមួយកន្លែង​ ភូមិត្រពាំងល្វា​ សង្កាត់កាកាប​ ខណ្ឌពោធិ៍សែនជ័យ។

តាមសាក្សីនៅកន្លែងកើតហេតុបានឲ្យដឹងថា​ នៅមុនពេលកើតហេតុគេបានឃើញនារី៣នាក់ជិះម៉ូតូម៉ាកស្កូបពី​ ពណ៍ផ្កាឈូក​ ពាក់ស្លាកលេខ ភ្នំពេញ 1CL 7815 តាមបណ្តោយផ្លូវ២០០៤​ ក្នុងទិសដៅពីជើងទៅត្បូងនិងមានមិត្តភ័ក្ត្រ២នាក់ទៀតជិះម៉ូតហុងដាឌ្រឹមសង់​ ធ្វើដំណើរស្របគ្នាខណះមកដល់ចំណុចកើតហេតុជាកន្លែងផ្លូវកោងផងនោះដោយបួងចង្កូតខ្លាំងពេកក៏ដួលអូសជាង១០ម៉ែត្របណ្តាលឲ្យរងរបួសធ្ងន់និងស្រាល។

ភ្លាមនោះត្រូវបាននារីៗបំរើការក្នុងហាងខារ៉ាអូខេនោះចេញមកជួយលើក​និងត្រូវមិត្តភក្តិដែលរបួសស្រាលដឹកទៅមន្ទីរពេទ្យោយខ្លួនឯង ៕ សុខាសែនជ័យ

S

S

S