សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ សមត្ថកិច្ចនគរបាលព្រហ្មទណ្ឌកំរិតធ្ងន់ នៃស្នងការនគរបាលខេត្តសៀមរាប ដឹកនាំដោយលោកវរសេនីយ៍ឯក ដួង សុខា ប្រធានការិយាល័យព្រហ្មទណ្ឌកំរិតធ្ងន់ ដោយដឹកនាំសម្របសម្រួលដោយតំណាងអយ្យការ អមសាលាដំបូងខេត្តសៀមរាប ទើបកម្លាំងជំនាញ បានចុះស្រាវជ្រាវ បន្ទាប់ពីទទួលបានពាក្យបណ្តឹងរបស់ជនរងគ្រោះ រហូតឈានដល់ធ្វើការឃាត់ខ្លួនបានជនសង្ស័យជាជនជាតិ នី ហ្សេរីយ៉ាម្នាក់នៅក្នុងហាងកាហ្វេតាមបណ្តោយផ្លូវជាតិលេខ៦ រួចនាំយកមកសួរនៅការិយាល័យជំនាញ ចោទ ពីបទ (រំលោភ សេពសន្ថវៈ)។
ហេតុការណ៍ឃាត់ខ្លួនជនជាតិបរទេសខាងលើធ្វើឡើងនៅវេលាម៉ោង១០ព្រឹក ថ្ងៃទី០១ ខែមិថុនា ឆ្នាំ២០១៧ ស្ថិតនៅចំណុចក្នុងស្ថានីយ៍ចាក់សាំងP T T ក្នុងភូមិ ចុងកៅស៊ូ សង្កាត់ស្លក្រាម ក្រុងសៀមរាប ។
លោកវរសេនីយ៍ឯក ដួង សុខា ប្រធានការិយាល័យនគរបាលបទល្មើសព្រហ្មទណ្ឌកំរិតធ្ងន់នៃស្នងការនគរបាលខេត្តបានប្រាប់តាមទូរស័ព្ទនៅរសៀលថ្ងៃទី១ខែមិថុនាឆ្នាំ២០១៧នេះថា ក្រោយពីទទួលពាក្យបានបណ្ដឹង របស់ជនរងគ្រោះឈ្មោះCITA AUDIA AHLUNZA ភេទស្រី អាយុ២២ឆ្នាំ ជនជាតិឥណ្ឌូនេស៊ី កាន់លិខិតឆ្លងដែនលេខB:4099093 ដែលជា ករណីរំលោភសេពសន្ថវះ កើតហេតុកាលពីវេលាម៉ោង៧និង១០នាទីព្រឹកថ្ងៃទី៣១ ខែឧសភា ឆ្នាំ២០១៧ ស្ថិតនៅចំណុចបន្ទប់ជួលរបស់ជនសង្ស័យ ក្នុងភូមិបន្ទាយចាស់ សង្កាត់ស្លរក្រាម ទើប លោកបានឱ្យកំលាំងការិយាល័យនគរបាលព្រហ្មកំរិតធ្ងន់ ចុះសហការជាមួយកម្លាំងនគរបាលអន្តោប្រវេសន៌ស្រាវជ្រាវរកជនសង្ស័យ ដើម្បីយកមកផ្តន្តាទោសទៅតាមផ្លូវច្បាប់។
លោកបន្តថា ជនរងគ្រោះជាភ្ងៀវទេសចរដែលបន្តដំណើរមកកំសាន្តពីប្រទេសវៀតណាមមកកម្ពុជា ដោយមកដល់ខេត្តសៀមរាប នៅម៉ោង៦ព្រឹក ថ្ងៃទី៣១ ខែឧសភា ឆ្នាំ២០១៧ ហើយជនសង្ស័យជាអ្នកទៅទទួលនាងពីចំណតឡានក្រុងប្រាប់ថា នឹងដឹកនាងទៅសណ្ឋាគារ និងជូននាងដើរកំសាន្តដោយមិនយកថ្លៃបកប្រែនោះទេ ក្នុងនោះជនសង្ស័យបានកុហក់ថា គេជាជនជាតិខ្មែរ ស្គាល់កន្លែងដើរលេងកំសាន្តច្រើនណាស់ ផ្ទុយទៅវិញគេបានដឹកនារីរងគ្រោះទៅបន្ទប់ជួលរបស់គេ ហើយធ្វើសកម្មភាពរំលោភរហូតបានសម្រេច ដោយយកកាំបិតចិតបន្លែ នៅក្នុងបន្ទប់របស់គេ មកគម្រាមនាងថា បើមិនធ្វើតាមគេនោះពុំមានសុវត្ថិភាពនោះទេ។
លោកបានបញ្ជាក់បន្ថែមថា ជនសង្ស័យឈ្មោះ ESIN NYONG JHON ប្រុស ៣៨ឆ្នាំ ជនជាតិនីហ្សេរីយ៉ា កាន់លិខិតឆ្លងដែនលេខA:05478573 ចុះថ្ងៃទី 10 11 2014 ដែលចូលមកកម្ពុជា ស្នាក់នៅក្នុងខេត្តសៀមរាប តាំងពីឆ្នាំ២០១៥ ដើម្បីរកការងារធ្វើខាងអាយ ធី ធី។ តាមចម្លើយសារភាពរបស់ជនសង្ស័យ គេបានសារភាពថា នៅថ្ងៃទី៣១ ឧសាភា ២០១៧ រូបគេពិតជាបាននាំនារីរងគ្រោះទៅបន្ទប់ជួលរបស់គេ និងរួមភេទជាមួយនាងបានចំនួនបីដង ពិតប្រាកដមែន។
បច្ចុប្បន្នជនសង្ស័យត្រូវបានកម្លាំងជំនាញកំពុងរៀបចំសំណុំរឿងបញ្ជូនទៅតុលាការនៅព្រឹកថ្ងៃទី២ ខែមិថុនា ឆ្នាំ២០១៧ ដើម្បីចាត់ការទៅតាមផ្លូវច្បាប់៕ ប៊ុន រិទ្ធី
