សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនរបរទេសម្នាក់សង្ស័យបែកថ្នាំ បានលួចឡើងរថយន្តដឹកខ្សាច់មួយគ្រឿងហើយធ្វើសកម្មភាពបើករថយន្តបុករះរថយន្តជាច្រើនគ្រឿងនៅចំណុចកោះពេជ្រ សង្កាត់ទន្លេបាសាក់ខណ្ឌចំការមន ។
ប្រភពបញ្ជាក់ថា ករណីនេះបានកើតឡើងកាលពីវេលាម៉ោង៣និង៣៥នាទីរសៀល ថ្ងៃទី២ ខែមិថុនា ឆ្នាំ២០១៧ ។ ក្រោយបង្កហេតុ ជនសង្ស័យបានធ្វើសកម្មភាពបើករថយន្តដឹកដីនោះរត់ពីទីតាំងបង្កហេតុ រហូតដល់ទឹកដីខណ្ឌដូនពេញ ទើបសមត្ថកិច្ចឡោមព័ទ្ធចាប់បាន ។ ជនសង្ស័យត្រូវប្រគល់ជូនសមត្ថកិច្ចរាជធានីដើម្បីចាត់ការ ។
ម្ចាស់រថយន្តឈ្មោះឆន សារ៉ាត់ ភេទប្រុស អាយុ២៦ឆ្នាំ រស់នៅសង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញបាននិយាយថា គាត់បានដឹកខ្សាច់យកទៅចាក់នៅការដ្ឋានកោះពេជ្រ ហើយគាត់បានទុកសោជាប់ជាមួយរថយន្ត ហើយចុះមកលេងនៅលើដី ។ បន្ទាប់មកនោះ ស្រាប់តែឃើញជនសង្ស័យរត់មកឡើងលើរថយន្តរបស់គាត់ ហើយកាច់សោបញ្ឆេះរថយន្តបុករះ រថយន្តនៅកន្លែងកើតហេតុបួនប្រាំគ្រឿង ហើយបើករត់តែម្តង ៕ ស រស្មី
