សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ មានហេតុការណ៍គ្រោះថ្នាក់ចរាចរណ៍១បង្កឡើងដោយ រថយន្តកូរ៉េ១តោនកន្លះ បុកគ្នាជាមួយរថយន្តទេសចរណ៍ ២៥កៅអី នៅលើផ្លូវជាតិលេខ៦ កាលពីវេលាម៉ោង១១និង១៥នាទីព្រឹក ថ្ងៃទី៥ ខែមិថុនា ឆ្នាំ២០១៧ នៅចំណុចភូមិជាយស្បៃ ឃុំកកោះ ស្រុកសន្ទុក ខេត្តកំ់ពង់ធំបង្កឲ្យ មនុស្សចំនួន២នាក់រងរបួសធ្ងន់ ។
ប្រភពព័ត៌មានពីព្រជាពលរដ្ននៅកន្លែងកើតហេតុបានឲ្យដឹងថា រថយន្តទាំង២គ្រឿងនេះបានធ្វើចរាចរណ៍ស្របទិសគ្នា ពីត្បូងទៅជើង លុះមកដល់ចំណុចកើតហេតុ រថយន្តទេសចរណ៍ ម៉ាកហ៊ីយ៉ាន់ដាយ ចំណុះ២៥កៅអី បានបើកខាងមុខ ហើយបត់ឆ្វេង បម្រុងចូលហាងបាយ ស្រាប់តែរថយន្តកូរ៉េចំណុះ១តោនកន្លះ ដែលបើកនៅពីក្រោយ អកសឺ ជាន់ហ្វ្រាំងមិនទាន់ ក៏ជ្រុលទៅបុកគូទរថយន្តទេសចរណ៍បណ្តាលឲ្យខ្ទេចមុខខ្លួនឯង និងរបួសធ្ងន់២នាក់ ដំណើរម្នាក់ និងព្រូម្នាក់។
បើតាមប្រភពពត័មានពីសមត្ថកិច្ចចរាចរណ៍ស្រុកសន្ទុកបានឲ្យដឹងថា អ្នកបើករថយន្តទេសចរណ៍ ឈ្មោះខា ប៊ុនហោ ភេទប្រុស អាយុ៥០ឆ្នាំ នៅភូមិក្រគរ ឃុំក្រគរ ក្រុងក្រចេះ ខេត្តក្រចេះ បានបើកម៉ាកហ៊ីយ៉ានដាយ ពាក់ស្លាកលេខ ភ្នំពេញ 3C.1940 បានបទឆ្វេងចូលហាងបាយ បណ្តាលឲ្យរថយន្តកូរ៉េចាប់ហ្វ្រាំងមិនទាន់ ក៏ទៅបុកគូទរថយន្តទេសចរណ៍បណ្តាលឲ្យអ្នករួមដំណើរនៅក្នុងរថយន្តកូរ៉េបាក់ជើងស្តាំ ទាំង២នាក់ និងរបួសចិញ្ចើមទាំង២នាក់ ដឹកបញ្ជូនទៅសង្គ្រោះនៅមន្ទីរពេទ្យខេត្តកំពង់ធំ ។
ក្រោយពេលកើតហេតុសមត្ថកិច្ចជំនាញចរាចរណ៍ស្រុកបានចុះវាស់វែងធ្វើកំណត់ហេតុ និងប្រមូលយកវត្ថុតាងទៅរក្សាទុកនៅអធិការស្រុកសន្ទុក រង់ចាំដោះស្រាយពេលក្រោយ៕ ប៊ុន រិទ្ធី
