សារព័ត៌មាន នគរវត្ត តែងតែនាំមុខគេជានិច្ច
ក្លិបកំពូលៗចំនួន ៤ដែលមានបីមកពីអង់គ្លេសគឺ Man City, Man United និងArsenal ព្រមទាំងក្លិបជើងឯក Champion League 2016-2017 Real Madrid កំពុងប្រជែងគ្នាដាក់សំណើដេញថ្លៃកំពូលខ្សែប្រយុទ្ធឆ្នើមវ័យក្មេង Kylian Mbappe របស់ក្រុមជើងឯកបារាំង Ligue1 ដែលបង្ហាញខ្លួននៅរដូវកាល 2016-2017 លេងបាន ៥៥ប្រកួតគ្រប់ក្របខ័ណ្ឌ និងរកបាន២៧គ្រាប់ ដើម្បីយកមកពង្រឹងក្លិបរបស់គេនារដូវកាលថ្មី 2017-2018 ។
ក្លិប Monaco បានទទួលសំណើជាទឹកប្រាក់មិនក្រោម១០០លានផោននោះទេ ពីតម្លៃខ្លួន Mbappe មានដូចជា បានទទួលការដេញថ្លៃពីក្រុម កាំភ្លើងធំ Arsenal នៅសំណើរក្នុងតម្លៃខ្លួន១២២លានផោន, Real Madrid ដាក់សំណើ១១៨លានផោន, Man City ១០៥លានផោន និងក្លិប Man United ១១៣លានផោន សរុបមកគឺជាតម្លៃកំណត់ត្រាថ្លៃជាងការផ្ទេរកីឡាករ Paul Pogba ពីJuventus ដែលមានតម្លៃកំនត់ត្រាថ្លៃបំផុតលើពិភពលោកគឺ៨៩លានផោនប៉ុណ្ណោះ។
ក្លិប Monaco កំពុងពិចារណា និងយល់ព្រមលើតម្លៃដែលក្លឹប ស្តេចស Real Madrid ដាក់ដេញថ្លៃប្រមាណ ១១៨ លានផោនដែលជាតម្លៃអាទិភាពសម្រាប់ កំពូលកីឡាករវ័យ១៨ឆ្នាំជម្រើសជាតិបារាំងរូបនេះ ព្រោះសាមីខ្លួនផ្ទាល់ក៍ធ្លាប់បានព្រលយពាក្យ ចង់ចាកចេញពីក្លិបដើម្បី ទៅបានទៅលេងជាមួយក្លិបដែលជាក្តីសុបិនរបស់ខ្លួន ធ្លាប់បានថតរូបជាមួយ តាំងពីនៅកុមារភាព ពេលនៅវ័យបឋមសិក្សា នោះគឺខ្សែប្រយុទ្ធឆ្នើម Cristiano Ronaldo ៕ ដេវីត
