សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលខណ្ឌដូនពេញ បានបង្ក្រាបឃាត់ខ្លួនជនសង្ស័យ២នាក់ ដកហូតថ្នាំញៀនមួយចំនួន កាលពីវេលាម៉ោង១រំលងអធ្រាត្រ ឈានចូលថ្ងៃទី១៥ ខែមិថុនា ឆ្នាំ២០១៧ នៅចំណុចផ្លូវរថភ្លើង សង្កាត់ស្រះចក ខណ្ឌដូនពេញ។
ជនសង្ស័យទី១ឈ្មោះ ឡាយ កុសល ភេទប្រុស អាយុ៣១ឆ្នាំ មុខរបរមិនពិតប្រាកដ ស្នាក់នៅម្តុំផ្លូវរថភ្លើង សង្កាត់ស្រះចក ខណ្ឌដូនពេញ ។ ទី២ឈ្មោះ សូ មករា ភេទទី៣ អាយុ៣០ឆ្នាំ មុខរបមិនពិតប្រាកដ ស្នាក់នៅម្តុំរោងចក្រឆ្នាំង។
តាមសមត្ថកិច្ចបានអោយដឹងថា កម្លាំងនគរបាលខណ្ឌបានជិះម៉ូតូល្បាតខណះជិះទៅដល់ចំណុចកើតហេតុឃើញជនសង្ស័យទាំង២នាក់ កម្លាំងនគរបាលឆែកឆេរកឃើញថ្នាំញៀននៅលើខ្លួន ឡាយ កុសល់ ចំនួន២កញ្ចប់តូច និងនៅលើដងខ្លួនឈ្មោះសូ មករាចំនួន២កញ្ចប់ ទើបកម្លាំងឃាត់ខ្លួនតែម្តង។
បច្ចុប្បន្នជនសង្ស័យត្រូវបានកម្លាំងនគរបាលខណ្ឌដូនពេញសាកសួរនិងចាត់ការតាមច្បាប់៕ សុខាសែនជ័យ
