សារព័ត៌មាន នគរវត្ត តែងតែនាំមុខគេជានិច្ច
កម្ពុជាក្នុងសម័យកាលនីមួយៗគឺវិវឌ្ឍន៍ខុសៗគ្នា។ ក្នុងសម័យកាល ព្រះបាទ សូរ្យវរ្ម័នទី២ គឺបាន បន្សល់ទុកនូវអង្គរអច្ឆរិយៈ ជាកេរ្តិ៍មរតកសម្រាប់មនុស្សជាតិទូទៅមកទល់សព្វថ្ងៃ។ រីឯសម័យកាលក្នុង ជំនាន់ព្រះបាទជ័យវរ្ម័នទី ៧ គឺបានធ្វើអោយកម្ពុជាមានឥទ្ឋិពលខ្លាំងព្រមទាំងបន្សល់ទុកនូវប្រាសាទ អង្គរធំ និងស្នាព្រះហស្ថប្រវត្តិសាស្រ្តជាច្រើនទៀតសម្រាប់កម្ពុជា។ ចំពោះក្នុងសម័យកាល ខ្មែរក្រហម ប៉ុលពត វិញគឺជាសម័យកាលប្រល័យពូជសាសន៍ ដែលបានធ្វើអោយប្រជាពលរដ្ឋស្លាប់អស់ជាច្រើន លាននាក់ ហើយបានបំផ្លាញប្រទេសជាតិខ្ទេចខ្ទីរស្ទើរលាយទាំងស្រុង។ ទាំងអស់នេះគឺជាការពិត ដែល យើងចងចាំមកទល់សព្វថ្ងៃ។
ចំពោះសម័យកាលតេជោ ហ៊ុន សែន គឺជាសម័យកាលសន្តិភាព ដែលបានមកពីថ្ងៃ ៧ មករា ១៩៧៩ ជាប្រវត្តិសាស្រ្ត ដែលយើងចងចាំក្នុងជីវិតជានិច្ច។ សម័យតេជោ សែន គឺបានទទួលមកវិញនូវផែនដីសន្តិភាពទាំងមូល ដែលបានធ្វើអោយពលរដ្ឋរស់នៅសុខសាន្ត មានឱកាស និងសិទ្ឋិសេរីភាពពេញលេញក្នុងជីវិត។ សម័យតេជោសែន គឺបានប្រែក្លាយកម្ពុជាពីគំនរផេះផង់ មកជាប្រទេសរីកចម្រើនស្មើមុខមាត់ជាមួយមួយប្រទេសនានាក្នុងតំបន់ និងក្នុងឆាកអន្តរជាតិ ជាមួយកំណើនសេដ្ឋកិច្ចរឹងមាំដែលជាមោទនៈភាព និងក្តីសង្ឃឹមរបស់ប្រជាពលរដ្ឋ និងយុវជន។
យើងរួមគ្នាជាធ្លុងមួយជាមួយ សម្តេចតេជោ ហ៊ុន សែន ដើម្បីថែរក្សាការពារសន្តិភាព និងអភិវឌ្ឍន៍ ប្រទេសជាតិអោយកាន់តែរីកចម្រើនរុងរឿងខ្លាំងឡើង!
ប្រភព៖ ហ្វេសប៊ុកសម្តេចតេជោ
