សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់ ជិះម៉ូតូលឿនមិនបានប្រុងប្រយ័ត្ន ក៏ជ្រុលទៅបុករថយន្តស្ទួចបណ្ដាលអោយរងរបួសធ្ងន់ទាំង២នាក់ ។
ហេតុការណ៍នេះបានកើតឡើងនៅវេលាម៉ោង២និង១០នាទីរំលងអាធ្រាត្រ ឈានចូលថ្ងៃទី២១ ខែមិថុនា ឆ្នាំ២០១៧ នៅតាមបណ្ដោយផ្លូវ១៩៩ កែងផ្លូវ៤៣០ ត្រង់ចំណុចផ្លូវបំបែកជាបួន ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។
តាមប្រពភពីកន្លែងកើតហេតុបានអោយដឹងថា មុនពេលកើតហេតុ គេឃើញរថយន្តមួយគ្រឿងប្រភេទរថយន្តស្ទួចពាក់ស្លាកលេខ ភ្នំពេញ 3B-5523 បើកបរដោយបុរសម្នាក់ ទិសដៅពីត្បូងទៅជើង តាមបណ្ដោយផ្លូវ៤៣០ ខណៈមកដល់ចំណុចកើតហេតុ ស្រាប់តែមានម៉ូតូមួយគ្រឿងពណ៌ខ្មៅ ពាក់ស្លាកលេខ ភ្នំពេញ 1BT.៦៣៨៦ជិះដោយបុរស២នាក់ទិសដៅពីលិចទៅកើត តាមបណ្ដោយ១៩៩ក្នុងល្បឿនយ៉ាងលឿន ហើយមិនបានប្រុងប្រយត្ន័ ក៏ជ្រុលទៅបុករថយន្តពីចំហៀងពេញទំហឹងបណ្ដាលអោយរងរបួសធ្ងន់ទាំង២នាក់ ភ្លាមត្រូវបានរថយន្តសារមុយដឹកយកទៅព្យាបាលនៅមន្ទីរពេទ្យចំណែកម៉ូតូខូចខាតខាងមុខ។
ក្រោយពេលកើតសមត្ថកិច្ចជំនាញផ្នែកខាងចរាចរណ៍បានចុះមកដល់កន្លែងកើតហេតុហើយវាស់វែងយករថយន្ត និងម៉ូតូទៅរក្សាទុកនៅអធិការខណ្ឌចំកាមនរង់ចាំដោះស្រាយនៅពេលក្រោយ៕ ភារ៉ា ដង្កោ
