នារីរូបស្រស់២នាក់ ជិះម៉ូតូដឹកប្អូនប្រុសទៅរកការងារធ្វើ ត្រូវចោរឆក់កាបូប

ភ្នំពេញ៖ នារីរូបស្រស់២នាក់បានជូនប្អូនប្រុសរបស់ខ្លួនម្នាក់ដើម្បីស្វែងរកការងារធ្វើ ខណៈអ្នកទាំង៣ ដើរតាមបណ្តោយផ្លូវ១៣៨ ក្នុងទិដៅពីលិចទៅកើត ស្រាប់តែមកដល់ចំណុចកើតហេតុមុខផ្ទះលេខ២៤២ ជនសង្ស័យមានគ្នា២នាក់ប្រុស ជិះម៉ូតូមួយគ្រឿង ម៉ាកហុងដាឌ្រីមសេ១២៥ ពណ៌ខ្មៅ ភ្នំពេញ1GE-0001 ធ្វើសកម្មភាពឆក់យកកាបូបលុយពីជនរងគ្រោះ បានសម្រេចរួចក៏ជិះរត់គេចខ្លួន។

ករណីនេះបានកើតឡើងនៅវេលាម៉ោង១៥និង១០នាទី ថ្ងៃទី២១ ខែមិថុនា ឆ្នាំ២០១៧ នៅចំណុច មុខផ្ទះលេខ២៤២ ផ្លូវលេខ១៣៨ ក្រុមទី៣០ ភូមិ១១ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ។

ជនសង្ស័យ ១-ឈ្មោះ រ៉ន ភក្រ្តា ហៅ ត្រា ភេទប្រុស អាយុ ១៨ឆ្នាំ ជនជាតិខ្មែរ មុខរបរ សិស្សថ្នាក់១១I1 វិទ្យាល័យ ជា ស៊ីម សាមគ្គី ស្នាក់នៅផ្ទះជួលគ្មានលេខ ផ្លូវសឡា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ (ជាអ្នកបើកម៉ូតូ) ។ ២-ឈ្មោះ អ៊ុច វ៉ាណូត ហៅ ណូត ភេទប្រុស អាយុ ១៧ ឆ្នាំ ជនជាតិខ្មែរ មុខរបរ សិស្សថ្នាក់ទី១១E1 វិទ្យាល័យ ជា ស៊ីម សាមគ្គី ស្នាក់នៅផ្ទះលេខពុំចាំ ផ្លូវលំ ភូមិអូរ បែកក្អម សង្កាត់ទឹកថ្លា ខណ្ឌសែនសុខ រាជធានីភ្នំពេញ ( ជាអ្នកធ្វើសកម្មភាពឆក់ ) ។

ជនរងគ្រោះឈ្មោះ យ៉ុន លីតា ភេទស្រី អាយុ ២៤ ឆ្នាំ ជនជាតិខ្មែរ មុខរបរ នៅផ្ទះ ស្នាក់នៅផ្ទះជួល បន្ទប់ លេខ៧ ផ្លូវលេខ១៣៨ សង្កាត់ទឹកល្អក់ទី២ ខណ្ឌទួល គោក រាជធានីភ្នំពេញ ។

វត្ថុតាងដែលបានចាប់យក ៖ កាបូបស្ពាយពណ៌ខ្មៅដាច់ខ្សែ០១ ដែលនៅក្នុងកាបូប មានទូរស័ព្ទមួយគ្រឿងម៉ាក I phone 7plus ពណ៌ទឹក មាស មានស៊ីមលេខ 098 490 300 , ប្រាក់ដុល្លារចំ នួន ១០$ និងប្រាក់រៀលចំនួន ២៦.០០០៛ ( បានប្រ គល់ឲ្យយជនរងគ្រោះវិញ ) ។ ម៉ូតូមួយគ្រឿងម៉ាក Honda C125 ពណ៌ខ្មៅ ស៊េរី 2017 ពាក់ស្លាកលេខភ្នំពេញ 1GE-0001 មានលេខ តួ និងលេខម៉ាស៊ីន 9697701 ( ជាម៉ូតូដែលជនសង្ស័ យជិះធ្វើសកម្មភាព ) ។

មុនកើតហេតុ នៅថ្ងៃទី២១ ខែមិថុនា ឆ្នាំ២០១៧ វេលាម៉ោងប្រហែល ១៥:១០នាទី ជនរងគ្រោះបានដើរ តាមបណ្តោយផ្លូវលេខ១៣៨ ពីលិចទៅកើតដោយមាន គ្នាបីនាក់ ( ស្រី០២នាក់ ប្រុស០១នាក់ ) ដោយជនរង គ្រោះមានស្ពាយកាបូបមួយពណ៌ខ្មៅ ពេលនោះស្រាប់ តែជនសង្ស័យពីរនាក់ បានជិះម៉ូតូស្របទិសគ្នា ហើយ បានឆាបខាងឆ្វេងធ្វើសកម្មភាពឆក់យកកាបូបពីជនរង គ្រោះបានសម្រេច ហើយព្យាយាមជិះម៉ូតូរត់ដេញតាមពីក្រោយ ព្រមទាំស្រែកចោរៗ ពេលនោះប្រជាពលរដ្ឋ តាមដងផ្លូវមានការភ្ញាក់ផ្អើលបានចេញមកជួយស្ទាក់ ជនសង្ស័យបានបើកម៉ូតូទៅបុកនឹងធុងទឹកអំពៅដែល លក់តាមផ្លូវ បណ្តាលឲ្យយដួលម៉ូតូ ក៌ត្រូវកំលាំងល្បាត របស់នគរបាលប៉ុស្តិរដ្ឋបាលទឹកល្អក់ទី២ បានអន្តរាគមន៌ឃាត់ខ្លួនបានជាក់ស្តែងតែម្តង ។

បច្ចុប្បន្នជនសង្ស័យទាំងពីរនាក់ កំពុងឃាត់ខ្លួនជា បណ្តោះអាសន្ននៅអធិការដ្ឋាននគរបាលខណ្ឌទួល គោក ដើម្បីសាកសួរ និងកសាងសំណុំរឿងបញ្ជូនទៅ សាលាដំបូងរាជធានីភ្នំពេញ ចាត់ការតាមផ្លូវច្បាប់ ៕ស តារា