ជនសង្ស័យ២នាក់ត្រូវបានកម្លាំងកងរាជអាវុធហត្ថខេត្តតាកែវឃាត់ខ្លួនពីបទចែកចាយគ្រឿងញៀន

ខេត្តតាកែវ៖ យុវជន ២ នាក់ត្រូវបានកំលាំងការិយាល័យបទល្មើសគ្រឿងញៀន កងរាជអាវុធហត្ថខេត្តតាកែវ ឃាត់ខ្លួន ពាក់ព័ន្ធករណីគ្រឿងញៀន ។

ហេតុការណ៍បង្រ្កាបនេះធ្វើឡើងនៅវេលាម៉ោង 4និង10នាទីរសៀល ថ្ងៃទី22 ខែ មិថុនា ឆ្នាំ 2017 នៅចំណុច ភូមិ ស្វាយទង ឃុំ ខ្វាវ ស្រុកសំរោង ខេត្តតាកែវ ។

លោកវរៈសេនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថខេត្តតាកែវ ដែលដឹកនាំការបង្ក្រាប បានឲ្យដឹងថា ជនសង្ស័យដែលឃាត់ខ្លួនខាងលើមាន ទី ១ ឈ្មោៈ ហ៊ន ធី ភេទ ប្រុស អាយុ 21ឆ្នាំ មុខរបរ មិន ពិតប្រាកដ រស់នៅ ភូមិ អង្គខ្ជាយ ឃុំព្រៃវិហា ស្រុក គងពិសី ខេត្តកំពង់ស្ពឺ ទី ២ ឈ្មោះ បេ ធា ភេទ ប្រុស អាយុ 25ឆ្នាំ មុខរបរ មិនពិតប្រាកដ រស់នៅ ភូមិ អង្គខ្ជាយ ឃុំ ព្រៃវិហា ស្រុក គងពិសី ខេត្តកំពង់ស្ពឺ។

សមត្ថកិច្ចបានបញ្ជាក់ថា ក្នុងហេតុការណ៍នោះ បានដកហូតវត្ថុតាងរួមមាន ម្សៅ ក្រាមសថ្លា (ម៉ាទឹកកក) ចំនួន 01កញ្ចប់ ទំងន់ 0,45ក្រាម កាបូប 01 និងលុយខ្មែរ8400រៀល និងម៉ូតូ 01គ្រឿង ។

បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនទៅកាន់តុលាការខេត្តតាកែវ៕ ភ្នំដា