សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ រថយន្តLAND CRUISER មួយគ្រឿងបានបើកបរទៅបុកជាមួយម៉ូតូមួយគ្រឿងបណ្តាលឲ្យជនរងគ្រោះភាគីខាងម៉ូតូរងរបួសធ្ងន់ និងបានបាត់បង់ជីវិតពេលបញ្ជូនដល់មន្ទីរពេទ្យ ។
ប្រភពពីសមត្ថកិច្ចបានបញ្ជាក់នៅក្នុងរបាយការណ៍ថា នៅថ្ងៃទី24 ខែមិថុនា ឆ្នាំ2017 វេលាម៉ោង12និង40នាទី លើផ្លូវជាតិលេខ4 ចន្លោះគីឡូម៉ែត្រ 173-174 ស្ថិតនៅក្នុងភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង រវាង រថយន្ត 01គ្រឿងម៉ាក LAND CRUISER ពណ៌ ស្លែ ពាក់ផ្លាកលេខភ្នំពេញ2V-7886 បើកបរដោយឈ្មោះ សាន កុកអាន ភេទ ប្រុស អាយុ22ឆ្នាំ មានទីលំនៅខណ្ឌចំការមន រាជធានីភ្នំពេញ មានទិសដៅពីភ្នំពេញ ឆ្ពោះមក ខេត្តព្រះសីហនុ លុះដល់ចំណុចខាងលើក៏មានម៉ូតូ 01គ្រឿងម៉ាក សាន់យ៉ាន់ ពណ៌ ក្រហម គ្មានផ្លាកលេខ បត់ឆ្លងកាត់ផ្លូវចូលចំណែករថយន្ត បណ្ដាលឲ្យរថយន្តបុកតែម្ដង (ទិសដៅបញ្រ្ចាស់គ្នា) ។ អ្នកបើកបរម៉ូតូឈ្មោះ នួន ប្រុស ភេទប្រុស អាយុ 30ឆ្នាំ មានទីលំនៅភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ រងរបួសធ្ងន់ បានបញ្ជូនទៅសង្គ្រោះនៅមន្ទីរពេទ្យ ក្រោយមកស្លាប់។
ចំណែកអ្នកបើកបររថយន្តបាននាំខ្លួនមកសាកសួរនៅអធិការដ្ឋាននគរបាលស្រុកព្រៃនប់។
រីឯវត្ថុតាង រថយន្ត និង ម៉ូតូ បានយកមករក្សាទុកនៅអធិការដ្ឋាននគរបាលស្រុកព្រៃនប់៕ ឆ្លាម សមុទ្រ
