សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិ៍ចោមចៅឃាត់ខ្លួន និងដកហូតថ្នាំញៀនមួយចំនួន កាលពីវេលាម៉ោង៤រសៀលថ្ងៃទី២៤ខែមិថុនាឆុនាំ២០១៧ នៅក្នុងវត្តគោកបញ្ជាន់ ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ។
ជនសង្ស័យឈ្មោះផាន់ សាកន ភេទប្រុស អាយុ១៧ឆ្នាំ មុខរបរមិនពិតប្រកដ ស្នាក់នៅភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ។
សមត្ថកិច្ចបានឲ្យដឹងថា នៅមុនឃាត់ខ្លួនជនសង្ស័យមានប្រជាពលរដ្ឋបានរាយការណ៍សំងាត់ថាមានជនសង្ស័យបានយកថ្នាំញៀនមកចែកចាយនៅក្នុងវត្តអារាមដែលជាកន្លែងគោរពបូជាភ្លាមនោះកម្លាំងនគរបាលប៉ុស្តិ៍ចោមចៅក៏បានចុះសើបអង្កេតនិងឃើញជនសង្ស័យក៏ហៅឆែកឆេលើដងខ្លួនរកឃើញថ្នាំញៀនចំនួន១៤កញ្ចប់តូចទើបឃាត់ខ្លួនតែម្តង។
ក្រោយឃាត់ខ្លួនជនសង្ស័យត្រូវបានបញ្ជូនទៅប៉ុស្តិ៍ដើម្បីសាកសួនិងកសាងសំណុំរឿងបញ្ជូនទៅអធិការនគរបាលខណ្ឌពោធិ៍សែនជ័យរងចាំចាត់ការបន្ត៕ សុខាសែនជ័យ
