សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យៈ កូនភ្លោះភេទស្រីទាំង3 កើតនៅម៉ោង11ព្រឹក នាថ្ងៃសៅ ទី17 ខែមិថុនា ឆ្នាំ2017 ក្នុងភូមិដូនទា ឃុំអំពិល ស្រុកបន្ទាយអំពិល ខេត្តឧត្តរមាមជ័យ បានទទួលអំណោយសម្តេច ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈលោក សេង ទៀង ជំនួយការសម្តេច ហ៊ុន សែន និងសម្តេចកិត្តិព្រឹទ្ធបណ្ឌិត ។
ឪពុកកូនភ្លោះទាំង3ខាងលើឈ្មោះ អួន ចក អាយុ32ឆ្នាំ ម្តាយឈ្មោះ ប៊ូន សំបឿន អាយុ24ឆ្នាំ ។
អំណោយរួមមាន៖ អំណោយរបស់សម្តេច ហ៊ុន សែន និងសម្តេចកិត្តិព្រឹទ្ធបណ្ឌិត អង្ករ4ការ៉ុង ស្មើ200គីឡូក្រាម, ទឹកដោះគោម្សៅ2កេះ ឃីត1កញ្ចប់, និងថវិកា4លានរៀល ។
ក្នុងនោះដែរ ក៏មានអំណោយសមាគមនារីកម្ពុជា ខេត្តឧត្តរមានជ័យ រួមមាន អង្ករ1ការ៉ុង ស្មើនឹង50គីឡូក្រាម , មី2កេះតូច និងត្រីខ2យួរ ។ នាឱកាសនោះលោក សេង ទៀង បាននាំនូវប្រសាសន៍ផ្តាំផ្ញើសួរសុខទុក្ខពីសម្តេច ហ៊ុន សែន និងសម្តេចកិត្តិព្រឹទ្ធបណ្ឌិត ដល់ក្រុមគ្រួសារកូនភ្លោះទាំង3 ក៏ដូចជាប្រជាពលរដ្ឋនៅភូមិដូនទា ទាំងអស់ផងដែរ ៕ ប៉ែន នួន
