សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀងៈ មានករណីគ្រោះថ្នាក់ចរាចរណ៏គួរឲ្យរន្ធត់ ខណៈដែលស្ត្រី២នាក់ បានជិះម៉ូតូក្នុងល្បឿនលឿន ហើយក៏ត្រូវសត្វគោ២ក្បាល រត់កាត់ផ្លូវបុកពេញទំហឹងលាន់សូរដូចរន្ទះ ស្រាប់តែសត្វគោខ្ទាតទៅបុកនឹងម៉ូតូសិស្សសាលាមួយគ្រឿងទៀត ដែលបើកបញ្ច្រាសគ្នាបណ្ដាលឲ្យសត្វគោមួយក្បាលងាប់ភ្លាមៗ រីឯមួយក្បាលទៀត ប្រកាច់របួសធ្ងន់ ចំណេកមនុស្សប្រុស ស្រី៣នាក់រងរបួសធ្ងន់។
ហេតុការណ៏នេះបានកើតឡើងកាលពីវេលាម៉ោង១រសៀល ថ្ងៃទី៣ ខែកក្កដា ឆ្នាំ២០១៧ ស្ថិតលើផ្លួវជាតិលេខ១ ក្នុងភូមិចុងព្រែក សង្កាត់ស្វាយរៀង ក្រុងស្វាយរៀង។
យោងតាមសាក្សីបានឲ្យដឹងថា មុនកើតហេតុមានស្ត្រី២នាក់ មិនស្គាល់ឈ្មោះ បានជិះម៉ូតូមួយគ្រឿងម៉ាក ហុងដា សេ១២៥ ពណ៏ខ្មៅ សេរី២០១៧ ពាក់ស្លាកលេខ ព្រៃវែង១K៦៩៣៨ ដោយមានផ្ទុកបាវនៅពីខាងមុខ ធ្វើដំណើរពីលិចមកកើត ក្នុងល្បឿនលឿន ខណៈនោះ ស្រាប់តែមានសត្វគោ២ក្បាលរត់ឆ្លងផ្លូវ ធ្វើឲ្យស្ត្រីខាងលើចាប់ហ្វ្រាំងមិនទាន់ បុកពេញទំហឹងលាន់សូរដូចរន្ទះ បណ្ដាលឲ្យសត្វគោទាំង២ខ្ទាតជិត១០ម៉ែត្រ ក៏ទៅបុកនឹងម៉ូតូយុវជនម្នាក់មិនស្គាល់ឈ្មោះ ដោយជិះម៉ូតូមួយគ្រឿងម៉ាកស៊ុយសូគីនិច ពណ៌ស ពាក់ស្លាកលេខ ស្វាយរៀង១I៤៥៥៧ ដែលធ្វើដំណើរពីកើតមកលិច គោលបំណងទៅរៀននៅវិទ្យាល័យចេកយ៉ាងពេញទំហឹងបោកក្បាលហូរឈាមរដូករណែលពេញផ្លូវទាំងម៉ូតូមនុស្ស និងសត្វគោ។
ក្រោយមកអ្នកភូមិក៏ដូចជាអ្នកធ្វើដំណើរបានឈប់មើល និងរាយការណ៏មកសមត្ថកិច្ចនគរបាលនិងរថយន្តសាមុយរបស់មន្ទីពេទ្យមកដឹកភាគីរងគ្រោះទាំង៣ ដែលរងរបួសធ្ងន់បាក់ជើង និងបោកក្បាលដើម្បីព្យាបាល។
ចំណេកម៉ូតូទាំង២គ្រៀងខូចខាតទាំងស្រុងរីឯសត្វគោងាប់មួយក្បាល រងរបួសធ្ងន់មួយក្បាល ត្រូវបានសមត្ថកិច្ចនគរបាលវាស់វែង និងអូសម៉ូតូនិងសត្វដាក់លើរថយន្តយកមកកាន់អធិការដ្ឋាននគរបាលក្រុងស្វាយរៀងដើម្បីចាត់ការបន្តតាមច្បាប់ ៕ យឹម សុថាន
