សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ម៉ូតូNEXមួយគ្រឿង បានបើកទៅបុកម៉ូតូc125 បណ្តាល ឲ្យរងរបួសធ្ងន់ទាំងសងខាង ។
ហេតុការណ៍នេះកាលពីវេលាម៉ោង ៤រសៀល ថ្ងែទី៤ ខែកក្កដា ឆ្នាំ២០១៧ តាមបណ្តោយផ្លូវលេខ៤៨៨ ស្ថិតក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
ប្រភពព័ត៌មានពីកន្លែងកើតហេតុបានឲ្យដឹងថា៖ មុនពេលកើតហេតុ គេបានឃើញយុវជនម្នាក់ពាក់អាវជាសិស្សបានជិះម៉ូតូមួយគ្រឿម៉ាក ហុងដា ឌ្រីមសេ ១២៥ ពណ៍ខ្មៅ ដែលមានពាក់ស្លាក ភ្នំពេញ1AQ.4219 បានធ្វើដំណើរ តាមបណ្តោយផ្លូវលេខ៤៨៨ក្នុងទិសដៅត្បូងទៅជើង លុះមកដល់កន្លែងកើតហេតុផ្លូវបំបែកជាបួន ក៏មាននារីម្នាក់ជិះម៉ូតូមា៉កNEXមួយគ្រឿងទៀត ពណ៍សពាក់ស្លាកលេខ ភ្នំពេញ1FZ.3365 បានធ្វើដំណើរតាមបណ្តោយផ្លូវលំ ក៏ត្រូវយុវជនដែលជិះម៉ូតូ ហុងដាឌ្រីម ខាងលើ បុកពេញទំហឹងបណ្តាលឲ្យទាំងសងខាងបានហោះផ្លោងទៅម្ខាងទៀត បានរងរបួសធ្ងន់ទាំង២នាក់ ភ្លាមៗនោះក៏ត្រូវរថយន្តសាមុយមកដឹកបញ្ជូនទៅមន្ទីរពេទ្យភ្លាមៗតែម្តង ។
ក្រោយពេលកើតហេតុសមត្ថកិច្ចជំនាញបានចុះមកវាស់វែងយកម៉ូតូទាំង២គ្រឿងទៅរក្សាទុកនៅ អធិការដ្នាននគរបាលខណ្ឌចំការមនដើម្បីដោះស្រាយនៅពេលក្រោយ៕ ស រស្មី
