រថយន្ត២គ្រឿងបើកបុកគ្នាបណ្តាលឲ្យរងការខូចខាតយ៉ាងដំណុំ

ភ្នំពេញ៖​ ហេតុការណ៍គ្រោះថ្នាក់ចរាចរណ៍មួយរវាងរថយន្តCRV បើកបុកជាមួយរថយន្តទូរីស ដឹកសិស្សបណ្តាលឲ្យរងការខូចខាតយ៉ាងដំណំ​ កាលពីវេលាម៉ោង៨និង៣០នាទីយប់ ថ្ងៃទី៦ ខែកក្កដា ឆ្នាំ២០១៧​ នៅចំណុចមុខមុខស្ថាននីយប្រេងឥន្ធនៈតេលា​ តាមបណ្តោយផ្លូវជាតិលេខ៤​ ស្ថិតក្នុងសង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។

តាមក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញរថយន្តម៉ាកទូរីសប្រភេទរថយន្តដឹកសិស្ស ពណ៌ស​ ពាក់ស្លាកលេខ ភ្នំពេញ 2G 6227 បើកបរដោយបុរសម្នាក់ធ្វើដំណើរតាមបណ្តោយផ្លូវជាតិលេខ៤ ក្នុងទិសដៅពីលិចទៅកើត ខណៈមកដល់ចំណុចកើតហេតុ ស្រាប់តែមានរថយន្តម៉ាក CRV ពណ៌ខ្មៅ​ ពាក់ស្លាកលេខ ភ្នំពេញ2 J 9559 ធ្វើដំណើរបញ្ច្រាសទិសគ្នាក្នុងក្បឿនលឿន ក៏ជ្រុលបុកគ្នាពេញទំហឹងបណ្តាលឲ្យរងការខូចខាតស្ទើរទាំងស្រុង បណ្តាលឲ្យអ្នកបើករថយន្តCRV របួសធ្ងន់ផងដែរ។

ក្រោយពេលកើតហេតុ ជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ចំណែករថយន្តទាំង២គ្រឿង ត្រូវបានសម្ថកិច្ចវាស់វែងយកទៅរក្សាទុកនៅការិយាល័យចរាចរណ៍ជើងគោករាជធានីរង់ចាំដោះស្រាយពលក្រោយ ៕ សុខាសែនជ័យ