សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀងៈ មនុស្សប្រុសស្រី៣នាក់ បានរងរបួសធ្ងន់ ស្រាល ខណៈដែលជួបគ្រោះថ្នាក់ចរាចរណ៍បណ្តាលសារតលសារតែរថយន្តបើកបរដោយមិនប្រកាន់ស្តាំ បុកជាមួយម៉ូតូ កាលពីវេលាម៉ោង៦ និង៥០នាទីព្រលប់ ថ្ងៃទី៩ ខែកក្កដា ឆ្នាំ២០១៧ នៅលើផ្លូវលេខ314D ត្រង់ចំណុចភូមិ ទូលត្របែក ឃុំប្រសូត្រ ស្រុកស្វាយទាប ខេត្តស្វាយរៀង។
បើតាមសាក្សីបានឲ្យដឹងថា នៅមុនពេលកើតហេតុគេឃើញមានរថយន្តម៉ាកបាឡែន ពណ៌ប្រផេះមួយគ្រឿង ស្លាកលេខ ភ្នំពេញ 7918 អ្នកបើកបរ មិនស្គាល់អត្តសញ្ញាណបានបើកបរពីត្បូងទៅបញ្ច្រាសទិសគ្នាមួយនឹងម៉ូតូ លុះមកដល់ចំណុចកើតហេតុខាងលើ ក៏បុកនឹងម៉ូតូពេញទំហឹងបណ្តាលឲ្យមានអ្នកជិះម៉ូតូប៉ើងហោះទៅលើគំនរគំនរគ្រួសថ្មរងរបួសធ្ងន់ស្រាល ក្រោយមកអ្នកបង្កហេតុរថយន្តបានបើករត់គេចពីកន្លែងកើតទៅទិសខាងជើងបាត់ស្រមោលតែម្ដង។
បើតាមសមត្ថកិច្ចនគរបាលស្រុកបានឲ្យដឹងថា ម៉ូតូរងគ្រោះខាងលើ ម៉ូតូ ម៉ាក ហុងដាឌ្រីម ស៊េរីឆ្នាំ2014 ពណ៌ ខ្មៅ ស្លាកលេខស្វាយរៀង 1I 2630 បើកដោយឈ្មោះ សេក រំដួល ភេទស្រី អាយុ២៦ឆ្នាំ មុខរបរកម្មការិនីរោងចក្រ រស់នៅភូមិត្រពាំងលាច ឃុំព្រះពន្លា ស្រុកកំពង់រោទិ៍ ខេត្តស្វាយរៀង រងរបួសធ្ងន់និងអ្នករួមដំណើរទី១ ឈ្មោះ ហ៊ុន សុភ័ត្រ ភេទស្រី អាយុ១២ឆ្នាំ មុខរបរសិស្ស រស់នៅភូមិឃុំជាមួយគ្នា រងរបួសធ្ងន់ត្រូវបញ្ជូនបន្តទៅប្រទេសវៀតណាម និងក្មេងប្រុសឈ្មោះ ម៉ៅអាយុ០៤ឆ្នាំ រស់នៅភូមិឃុំជាមួយគ្នា រងរបួសស្រាល។
ដោយឡែកអ្នករងរបួសបានបញ្ចូនទៅព្យាបាលនៅមន្ទីរពេទ្យបង្អែកស្វាយទាប រីឯម៉ូតូបានរក្សាទុកនទុកនៅអធិការដ្ឋាននគរបាលស្រុកស្វាយទាបដើម្បីដោះស្រាយតាមច្បាប់ ៕ យឹម សុថាន
