សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុៈ នៅថ្ងៃទី ១០ ខែ កក្កដា ឆ្នាំ ២០១៧ វេលាម៉ោង០៩និង៣០នាទីមានករណីលិចទូកឈើកន្ទុយវែងប្រភេទនេសាទអូសមងបង្គា នៅចម្ងាយប្រហែល១គីឡូម៉ែត្រខាងជើងកោះដែកគោល លុះដល់ម៉ោង ១០និង២៥នាទី ថ្ងៃដដែល ត្រូវបានទូកយន្តប្រភេទដឹកភ្ញៀវទេសចរណ៍ខ្នាតធំរបស់ក្រុមហ៊ុនកោះរ៉ុង ដាយស៊ីនធឺជួយសង្គ្រោះ ខណៈជនរងគ្រោះទាំង២នាក់ខាងលើកំពុងហែលទឹកតោងជាមួយប៊ីដុង ជរ័នៅខាងជើងកោះដែកគោលប្រហែល២គីឡូម៉ែត្រ ដោយ ជួយសង្រ្គោះយកមកប្រគល់ឲ្យកម្លាំងជំនាញប្រចាំការគោលដៅផែទេសចរណ៏។
តាមជនរងគ្រោះឲ្យដឹងថា ទូកនេសាទដែលលិចនេះ ដោយសារពេលកំពុងនេសាទទម្លាក់មងបង្គារ ក៏មានខ្យល់កន្រ្តាក់ និងមានភ្លៀង ទឹករលកធំៗ បណ្តាលឲ្យ ក្រឡាប់ទូក លិចបាត់ទៅក្នុងសមុទ្រតែម្តង។
ជនរងគ្រោះទាំង២នាក់មាន៖ ឈ្មោះ ជ័យ សំអុល ភេទប្រុស អាយុ៣៨ឆ្នាំ មុខរបរអ្នកបើកបរទូក (ត្រូវជា ម្ចាស់ទូក) ទីលំនៅបច្ចុប្បន្នក្រុម២៥ ភូមិ៣ សង្កាត់១ ក្រុងព្រះសីហនុ ខេត្តព្រះសីហនុ និងឈ្មោះ សាង មឿន ភេទប្រុស អាយុ៤៧ឆ្នាំ បុខរបរកម្មករនេសាទ ទីលំនៅ បច្ចុប្បន្នក្រុម២៥ ភូមិ៣ សង្កាត់១ ក្រុងព្រះសីហនុ ខេត្តព្រះ សីហនុ៕ ឆ្លាម សមុទ្រ
