សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀងៈ បុរសម្នាក់ ខណៈកំពុងជិះម៉ូតូស្រាប់តែរថយន្តមួយគ្រឿងបើកមកពីក្រោយ ស្របទិសគ្នាបុកពេញទំហឹងលាន់សូរដូចរន្ទះបណ្ដាលឲ្យដួលរបួសបែកក្បាលកាលពីវេលាម៉ោង៩ព្រឹក ថ្ងៃទី១៤ ខែកក្កដា ឆ្នាំ២០១៧ ផ្លូវជាតិលេខ១ នៅចំណុច ភូមិ ប្រសូត្រ2 ឃុំ កណ្តៀងរាយ ស្រុកស្វាយទាប ខេត្ត ស្វាយរៀង ។
ប្រភពពីសមត្ថកិច្ចមូលដ្ឋានបានឲ្យដឹងថា បុរសដែលរងរបួសមានឈ្មោះ សួស សាណាន អាយុ 63ឆ្នាំ មុខរបរ កសិករ រស់នៅភូមិ អង្គស្វាយ ឃុំ ប្រសូត្រ ស្រុកស្វាយទាប ខេត្ត ស្វាយរៀង ខណៈជិះម៉ូតូ ម៉ាកហុងដា តេមឆេះ ពណ៌ ព្រីងទុំ គ្មានស្លាកលេខ ខូចខាតយ៉ាងដំណំ។
ចំពោះអ្នកបើករថយន្តក្រោយពេលបង្កហេតុបានបើកទ្វាររថយន្តរត់គេចខ្លួនភ្លាមៗបន្សល់ រថយន្ត ម៉ាក ហាយឡែនដ័រ ពណ៌ ទឹកប៊ិច ស្លាកលេខ ភ្នំពេញ 2AA 8095 នៅនឹងកន្លែង។
បើតាមសាក្សីបានឲ្យដឹងថា មុនកើតហេតុមាន-រថយន្ត ម៉ាក ហាយឡែនដ័រ ពណ៌ ទឹកប៊ិច ស្លាកលេខ ភ្នំពេញ 2AA 8095 អ្នកបើកបរមិនស្គាល់ឈ្មោះដោយធ្វើដំណើរពី ទិសដៅពីលិចទៅកើត ហើយស្រាប់តែ ទៅបុកនឹងម៉ូតូ ម៉ាក ហុងដាតេមឆេះ ពេញទំហឹងក្រោយមកដោយឃើញសភាពមិនស្រួលបើកទ្វារថយន្តរត់ចេញភ្លាមៗដោយជនរងគ្រោះត្រូវបានសមត្ថកិច្ចបញ្ចូនទៅមន្ទីរពេទ្យបង្អែកស្វាយទាប ដើម្បីព្យាបាលមុខរបួស។
រីឯមធ្យោបាយទាំងពីរគ្រឿងត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកស្វាយទាប ដើម្បីដោះស្រាយពេលក្រោយ ៕ យឹម សុថាន
