សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ បើករថយន្តព្រូសពីកើតទៅលិច ជ្រុលបុកក្បាលព្រួញថ្មពុះចែកទ្រូងផ្លូវ ក៏ត្រូវបានអ្នកសារព័ត៌មានទៅថតយករូបភាព ស្រាប់តែអ្នកបើករថយន្តបង្កឆក់ទូរស័ព្ទដៃ ម៉ាកIPHONE 6Plus មួយគ្រឿងពីអ្នកកាសែតយកមកបោក ហើយដាក់ចូលក្នុងហោប៉ៅទៀត។
ហេតុការណ៍នេះបង្កឲ្យមានការភ្ញាក់ផ្អើលយ៉ាងខ្លាំងកាលពីវេលាម៉ោង១១នឹង៥០នាទីយប់ ថ្ងៃទី១៨ ខែកក្កដា ឆ្នាំ២០១៧ នៅសួនច្បារក្តាន់២ តាមបណ្តោយមហាវីថីសហព័ន្ឋរុស្ស៊ី ស្ថិតក្នុងសង្កាត់ស្រះចក ខណ្ឌដូនពេញរាជធានីភ្នំពេញ។
បើតាមប្រភពព័ត៌មានពីកន្លែងកើតហេតុ បានឲ្យដឹងថា បុរសម្នាក់ បើករថយន្តព្រូសមួយគ្រឿង គ្មានស្លាកលេខបានបើក បុកក្បាលថ្មពុះចែកទ្រូងផ្លូវ ភ្លាមៗនោះ ក៏ត្រូវបានអ្នកសារព័ត៌មានទៅថតយករូបភាព ស្រាប់តែអ្នកបើករថយន្តបង្កឆក់ទូរស័ព្ទដៃម៉ាកIPHONE 6Plus មួយគ្រឿងពីអ្នកសារព័ត៌មានយកមកបោក ហើយដាក់ចូលក្នុងហោប៉ៅទៀត ក៏ត្រូវបានអាវុធហត្ថខណ្ឌ៧មករាឃាត់ខ្លួនបុរសបើករថយន្តបង្ក ដែលបានបោកទូរស័ព្ទដៃម៉ាកIPHONE 6Plusរបស់អ្នកសារព័ត៌មាននាំយកមកអាវុធហត្ថខណ្ឌ៧មករាដើម្បីសាកសួរផងដែរ។
ក្រោយកើតហេតុ អ្នកសារព័ត៌មានដែលត្រូវបុរសបើករថយន្តបង្កយកទូរស័ព្ទដៃ ទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលស្រះចករួចហើយ ដោយស្នើសុំឲ្យ អាជ្ញាធរមានសមត្ថកិច្ចដោះស្រាយរឿងនេះ ក្នុងផ្លូវច្បាប់ ។
ក្រោយមក កម្លាំងនគរបាលចរាចរណ៍ខណ្ឌ៧មករា ក៏សម្រេចបញ្ជូនរថយន្តបង្កខាងលើទៅកាន់ការិយាល័យចរាចរណ៍ផ្លូវគោករាជធានីភ្នំពេញ ដើម្បីរង់ចាំដោះស្រាយ ៕ ស រស្មី
