សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ កម្លាំងនគរបាលខេត្តសៀមរាបចុះ អនុវត្តដីកា ចាប់ខ្លួនលេខ៖ ២១៩៦/២០១១ ចេញដោយលោក ជី សុខ ចៅ ក្រមជំនុំជម្រះ នៃសាលាដំបូងខេត្តសៀមរាប ពីបទអំពើលួចម៉ូតូកាលពីថ្ងៃទី ១៧ ខែកញ្ញា ឆ្នាំ ២០០៥ ត្រង់ចំណុច ភូមិ ថ្នល់ទទឹង ឃុំ ព្រះដាក់ ស្រុក បន្ទាយស្រី ខេត្តសៀមរាប ពេលជនសង្ស័យត្រឡប់ចូលស្រុកកំណើតវិញ ទើបកម្លាំងជំនាញបានធ្វើការឃាត់ខ្លួនជនសង្ស័យ រួចបញ្ជូនមកកាន់ការិយាល័យជំនាញ ហើយរៀបចំសំណុំរឿងបញ្ជូនទៅតុលាការភ្លាមៗ។
ហេតុការណ៍ឃាត់ខ្លួន ធ្វើឡើងនៅវេលាម៉ោង១០និង ៣០នាទីព្រឹក នៅថ្ងៃទី១៩ ខែកក្កដា ឆ្នាំ ២០១៧ ស្ថិតនៅផ្ទះជនសង្ស័យ ក្នុងភូមិថ្នល់បណ្តោយ ឃុំ ព្រះដាក់ ស្រុកបន្ទាយស្រី ខេត្តសៀមរាប។
លោក វរសេនីយ៍ឯក ភឹង ចិន្តារ៉េត ស្នងការរង និង ជាប្រធានការិយាល័យនគរបាលកណ្តាលព្រហ្មទណ្ឌនៃស្នងការដ្ឋាននគរបាលខេត្តសៀម បានប្រាប់ថា លោកបានឱ្យកម្លាំងជំនាញសហការគ្នាចុះដល់ផ្ទះមុខសញាបានអនុវត្តដីកាចាប់ខ្លួនឈ្មោះ ប៉ោយ ជ្រឹង ភេទប្រុសអាយុ ៤៨ឆ្នាំ រស់ភូមិថ្នល់បណ្តោយ ឃុំ ព្រះដាក់ ស្រុកបន្ទាយស្រី ខេត្តសៀមរាប តាមដីកាចាប់ខ្លួនលេខ៖ ២១៩៦/២០១១ ចេញដោយលោកជី សុខចៅក្រមជំនុំជម្រនៃសាលាដំបូងខេត្តសៀមរាប ពីបទអំពើលួច កាលពីថ្ងៃទី ១៧ខែកញ្ញាឆ្នាំ ២០០៥ ត្រង់ចំណុច ភូមិ ថ្នល់ទទឹង ឃុំ ព្រះដាក់ ស្រុក បន្ទាយស្រី ខេត្តសៀមរាប។
បច្ចុប្បន្នជនសង្ស័យ ដែលជំនាញ ខាង លួចម៉ូតូ ត្រូវបានកម្លាំងជំនាញ រៀបចំសំណុំរឿង បញ្ជូនទៅតុលាការនៅរសៀលថ្ងៃទី១៩ ខែកក្កដា ឆ្នាំ២០១៧ ដើម្បីចាត់ការបន្តទៅតាមផ្លូវច្បាប់៕ ប៊ុនរិទ្ធី
