សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងព្រហ្មទណ្ឌខណ្ឌចំការមនសហការជាមួយសមត្ថកិច្ចប៉ុស្តិ៍ទួលទំពួង១ចាប់វាយខ្នោះជនសង្ស័យម្នាក់រួមនិងថ្នាំញៀន២កញ្ចប់ ខណៈរូបគេកំពុងតែដើរលក់ថ្នាំញៀន កាលពីវេលាម៉ោង២និង២០នាទីរំលងអាធ្រាតឈានចូលថ្ងៃទី ២៦ កក្តដា ២០១៧ ចំណុចផ្លូវលេខ៤៧៣កែងផ្លូវលេខ១២៣ សង្កាត់ទួលទំពួង១ ខណ្ឌចំការមន រាជធានីភ្នំពេញ។
ជនសង្ស័យដែលឃាត់ខ្លួនបានខាងលើមានឈ្មោះ ជាង ធី ភេទប្រុស អាយុ២៧ឆ្នាំ មុខរបររើសអេតចាយ។
ប្រភពព័ត៌មានពីសមត្ថកិច្ចបានឲ្យដឹងថា នៅមុនពេលឃាត់ខ្លួនជនសង្ស័យខាងលើ គឺកម្លាំងព្រហ្មទណ្ឌខណ្ឌចំការមនសហការជាមួយសមត្ថកិច្ចទួលទំពួង១បានជិះម៉ូតូល្បាត ក្នុងភូមិស្រាស្ត ដើម្បីទប់ស្កាត់បទល្មើសកុំអោយកើតមានឡើងលុះមកដល់ចំណុចកើតហេតុខាងលើ ក៏ប្រទះឃើញជនសង្ស័យខាលើកំពុងដើរ លុះពេលកម្លាំងសមត្ថកិច្ចយើងជិះម៉ូតូជិតដល់ បានហៅឃាត់សួរនាំ ស្រាប់តែជនសង្ស័យ បំរុងរត់ តែត្រូវសមត្ថកិច្ចយើងដេញឃាត់បាន ក៏ធ្វើការឆែកឆេរនៅលើដងខ្លួន រកឃើញនីហោប៉ៅខាងស្តាំចំនួន២កញ្ចប់ថង់តូច។
ក្រោយមកកម្លាំងបានធ្វើការឃាត់ខ្លួនជនសង្ស័យរួមជាមួយវត្ថុតាងនាំមកកាន់ផ្នែកជំនាញដើម្បីសាកសួរតែម្តង។
បច្ចុប្បន្នជនសង្ស័យរួមនិងវត្ថុតាងបញ្ចូនមកសាកសួរនិងឃុំខ្លួនបណ្តោះអាសន្ននៅអធិការដ្ធាននគរនបាលខណ្ឌចំការមនដើម្បីបន្តអនុវត្តតាមនិតិវិធី៕ ស រស្មី
