រថយន្តពីរគ្រឿងបុកគ្នានៅផ្លូវបែកជាបួនប៉ើងទៅប៉ះរទេះអេតចាយនិងបង្គូលភ្លើងបាក់អស់មួយដើម

ភ្នំពេញ៖ បុរស់ម្នាក់បើករថយន្តហាយឡេនឌ័រ លឿនដូចហោះមកផ្លូវបែកជាបួន ជ្រុលចង្កូតទៅបុករថយន្តហ្វតរ៉េនជ័រ ពេញទំហឹងបណ្តាលឲ្យប៉ើងទៅប៉ះរទេះអែតចាយ និងបង្គូលភ្លើងមួយដើមទៀតទៅមុខលែងរួច អ្មកនៅក្នុងរថយន្តរងរបួសស្រាល។

ហេតុការណ៍នេះកើតឡើងការពីវេលាម៉ោងរំលងអធ្រាត្រ ឈានចូលថ្ងៃទី៣១ ខែកក្តដា ឆ្នាំ២០១៧ ស្ថិតនៅចំណុចផ្លូវលេខ៥៦៦ កែងនិងផ្លូវ៣១៣ ក្នុងសង្កាត់បឹងកក់២ ខណ្ឌទួលគោគ។

យោងតាមប្រភព័ត៌មានពីកន្លែងបានឲ្យដឹងថា មុនកើតហេតុគេឃើញបុរស់ម្នាក់បើករថយន្តមួយគ្រឿងម៉ាកហាយឡេនឌ័រពណ៌ពាក់ស្លាកលេខ ភ្នំពេញ 2AI3750 បើកបរតាមបណ្តោយផ្លូវលេខ៣១៣ ទិសដៅពីជើងទៅត្បូង ក្នុងល្បឿនលឿនដូចហោះ លុះមកដល់ផ្លូវបំបែកជាបួន កែងនិងផ្លូវ៥៦៦ ចំណុចកើតហេតុខាងលើបានជ្រុលទៅបុករថយន្តមួយគ្រឿង ម៉ាកហ្វតរ៉េនចឺ ពណ៌ស ពាក់ស្លាកលេខ ភ្នំពេញ 2AJ-7669 បើកបរដោយបុរស់ម្នាក់ក្នុងល្បឿនលឿន ដូចគ្នាពេញចំពាក់កណ្តាលរថយន្តហ្វតពេញទំហឹងបណ្តាលឲ្យប៉ើងទៅប៉ះរទេះអេតចាយ ដែលស្រ្តីម្នាក់ឈប់នៅលើដងផ្លូវ ឈប់រើសរបស់របរដាក់នៅក្នុងរទេះបណ្តាលឲ្យរទេះរបស់គាត់ខូចខាតដាច់កង់ខាងស្តាំមួយចំហៀង តែមិនបណ្តាលឲ្យគាត់រងរបួសទេ ហើយរថយន្តហ្វត័បានប៉ើងទៅប៉ះបង្គោលភ្លើងបាក់អស់មួយដើមទៀត តែមិនបង្កឲ្យអ្មករងរបួស ចំណែកម្ចាស់រថយន្តបង្កបានគេចខ្លួនបាត់ស្រមោលបន្សល់ទុករថយន្តនៅនឹងកន្លែងកើតហេតុ ខូតខាតយ៉ាងដំណំដូចគ្នា។

ក្រោយកើតហេតុ សមត្ថកិច្ចបានចុះដល់បានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តទាំងពីរគ្រឿងទៅរក្សាទុកនៅការិយាលយ័ចរាចរណ៍ផ្លូវគោករាជធានីភ្នំពេញរង់ចាំដោះស្រាយគ្នាទៅតាមផ្លូវច្បាប់៕ ស រស្មី