នាឡិកា Apple Watch ម៉ូដែលថ្មីនឹងមានប្រើ LTE និង មិនមាន LTE

យើងបានដឹងកាលពីដើមខែនេះថានាឡិកា Apple នាពេលក្រោយនឹងមានវត្តមាននៅក្នុង LTE version ។ ឥឡូវនេះវាហាក់បីដូចជាក្រុមហ៊ុន  Apple នឹងផលិតនាឡិការចំនួនពីរម៉ូដែលមួយគឺមាន LTE និងមួយទៀតគ្មាន LTE ។ ក្រុមហ៊ុននេះក៏ទំនងជានឹងមិនធ្វើការរចនាម៉ូតខុសគ្នាពេកទេ រវាងនាឡិកា Apple ម៉ូដែលមុន។ ព័ត៌មានចចាមអារាមបានមកពីលោក Ming-Chi Kuo នៃ KGI Securities ដែលបានព្យាករណ៍ទុកជាមុនពីនិន្នាការរបស់ក្រុមហ៊ុន Apple នៅក្នុងអតីតកាល។ លោក Kuo ក៏បាននិយាយផងដែរ ថានាឡិកា Apple ថ្មីនេះនឹងដឹកជញ្ជូនតាមទំហំធម្មតារបស់វាគឺ 38 មីលីម៉ែត្រនិង 42 មីលីម៉ែត្រ។

សារព័ត៌មាន Bloomberg បានរាយការណ៍ជាលើកដំបូងថានាឡិកា Apple ក្រោយនឹងរួមបញ្ចូលបច្ចេកវិទ្យា LTE ហើយលោក Kuo បញ្ជាក់ថាវានឹងមិនគាំទ្រ 3G ទេមានន័យថាវាអាចនឹងមិនដំណើរការនៅលើទីផ្សារផ្សេងទៀត។ ទោះយ៉ាងណាក៏ដោយទីភ្នាក់ងារព័ត៌មាន Bloomberg បាននិយាយថា AT & T, Verizon, T-Mobile និង Sprint នឹងគាំទ្រដល់ការភ្ជាប់របស់ Apple Watch ។ នាឡិកានេះនឹងត្រូវបានប្រកាសរួមជាមួយនឹងទូរស័ព្ទ iPhone ថ្មីនៅប៉ុន្មានខែខាងមុខនេះ។

នៅក្នុងខែមិថុនាក្រុមហ៊ុន Apple បានប្រកាសថានាឡិការថ្មីដែលអាចធ្វើការ update ដោយផ្អែកលើពេលវេលា ឬទីតាំងនឹងត្រូវបានដាក់បង្ហាញជាមួយប្រព័ន្ធ watchOS 4 នាពេលឆាប់ៗនេះ។ វាក៏បាននិយាយថា វានឹងត្រូវបានចេញផ្សាយនាឡិកា Siri watchface ដែលអាចបង្ហាញមាតិកាពាក់ព័ន្ធ។ អ្នកប្រើអាចទុកទូរស័ព្ទរបស់ពួកគេនៅផ្ទះបាន ហើយនៅតែប្រើ Siri, តាមដានការហាត់ប្រាណរបស់ពួកគេនិងឆ្លើយតបទៅ iMessages ។ បើទោះបីជាបណ្តាញ LTE មិនត្រូវបានបញ្ជាក់ជាផ្លូវការក៏ដោយ វានឹងផ្តល់ផលប្រយោជន៍ដល់ Apple ដើម្បីណែនាំវាជាផ្នែកមួយនៃការធ្វើឱ្យប្រសើរឡើងនូវម៉ូដែលថ្មីនេះ៕ ហេង លក្ខិណា