សារព័ត៌មាន នគរវត្ត តែងតែនាំមុខគេជានិច្ច
រូបរាងកាមរ៉ាថ្មីមានទំហំតូចជាងបាតដៃដែលគេហៅថា Shonin បានចាប់ផ្តើមដាក់លក់នៅលើ Kickstarter ដាក់មុខងារខ្លួនវាជាឧបករណ៍សន្តិសុខ (ផ្ទុយទៅវាជាកាមរ៉ាដែលអាចពាក់បានដូចជា FrontRow មានន័យសម្រាប់ការចាប់យក “បទពិសោធន៍”) ។
កាមរ៉ាដែលអាចត្រូវបានភ្ជាប់ដោយការកិបភ្ជាប់ដោយដែកឆក់ម៉ាញេទិច ចាប់ផ្តើមថតជាមួយការចុចនៅផ្នែកខាងមុខ និងប្រើការតភ្ជាប់ Cellular ឬ wifi ដើម្បីអនុញ្ញាតឱ្យអ្នកចែករំលែកវីដេអូទៅគោលដៅដូចជា Facebook Live ឬ YouTube ។ វាក៏ផ្ទុកវីដេអូយ៉ាងមានសុវត្ថិភាពនៅលើ Shonin cloud ផងដែរ និងអនុញ្ញាតឱ្យអ្នកមើលវីដេអូនៅលើទូរស័ព្ទរបស់អ្នកតាមរយៈកម្មវិធី Shonin និងធ្វើការកែប្រែដ៏សាមញ្ញ។ ប្រសិនបើគ្មានការតភ្ជាប់នោះទេ កាមរ៉ានេះក៏អាចរក្សាទុកនូវវីដេអូដែលបានថតនោះរក្សាក្នុងកាត SD 8GB របស់វាផងដែរ។ កាមរ៉ានេះជាប្រភេទ IP67 មិនជ្រាបទឹក, ត្រូវបានបើកដំណើរការដោយប្រព័ន្ធ GPS និងមានបន្ទុកតែមួយដែលផ្តល់នូវថាមពលថ្ម 2,5 ម៉ោង ដែលអាចបង្កើនទ្វេដងជាមួយនឹងថ្មម៉ាញ៉េបន្ថែមទៀត។
ក្រុមផលិតកាមរ៉ា Shonin បាននិយាយថាកាមរ៉ានេះត្រូវបានរចនាឡើងដើម្បីចាប់យក “ផ្នែកមួយនៅក្នុងរឿងកំណត់ហេតុរបស់អ្នកប្រើប្រាស់វា” ដោយលើកឡើងពីការប្រើប្រាស់ដែលអាចធ្វើទៅបានដូចជាការចងក្រងឯកសារអំពី គ្រោះថ្នាក់ចរាចរណ៍កាចសាហាវ ការរំលោភបំពានអំណាចព្រឹត្តិការណ៍ ការតវ៉ាការគំរាមកំហែង និងការរំលោភបំពាន។ Shonin ក៏កត់សំគាល់ស្ថានភាពប្រចាំថ្ងៃជាច្រើនដែលវាអាចត្រូវបានប្រើ ដូចជាការដើរតែម្នាក់ឯងនៅពេលយប់, ដែលជាកន្លែងដែលការរចនាដែលអាចមើលឃើញនៃកាមរ៉ាខ្លួនវាអាចដើរតួនាទីជាការរារាំងមួយ។
បច្ចុប្បន្ន Shonin បានកើនឡើងចំនួន 120,440 ដុល្លារដែលជាចំនួនលើសពីគោលដៅដំបូងរបស់ខ្លួនចំនួន 30,000 ដុល្លារ និងគ្រប់គ្រាន់ដើម្បីដោះសោលក្ខណៈពិសេសបន្ថែមនៃ time-lapse mode ។ ប្រសិនបើប្រាក់កើនដល់ចំនួន 150.000 ដុល្លារនោះ ក្រុមហ៊ុនក៏សន្យាថានឹងបន្ថែមការរក្សាលំនឹងរូបភាពផងដែរ។ កាមរ៉ា Wi-Fi Shonin ត្រូវបានសន្យាជាមួយនឹងការសន្យាផ្តល់តម្លៃ 169 ដុល្លារជាមួយនឹងការប្រើ Wi-Fi និង Cellular version សម្រាប់ 199 ដុល្លារ។ ការដឹកជញ្ជូនត្រូវបានសន្យាថានៅខែកុម្ភៈឆ្នាំ 2018 ៕ ហេង លក្ខិណា
