DJ2GO2 គឺជាឧបករណ៍ឌីជេតូចជាងគេដែលមានលក្ខណៈពិសេសពេញនិយមបំផុតនៅលើទីផ្សារ

ថ្មីៗនេះក្រុមហ៊ុន Numark បានប្រកាសផ្នែកមួយនៃ DJ hardware ថ្មីបំផុតរបស់ខ្លួននោះគឺ DJ2GO2 ហើយវាគឺជាឧបករណ៍បញ្ជាឌីជេដែលមានលក្ខណៈពិសេសពេញនិយមបំផុតនៅលើទីផ្សារ។ វាត្រូវបានរចនាឡើងដើម្បីបំពេញតាមកុំព្យូទ័រយួរដៃស្តង់ដារ ។ ឧបករណ៍ DJ2GO2 ត្រូវបានបង្កើតឡើងដើម្បីមិនអោយមានកន្លែងទំនេរណាមួយឡើយក្នុងកំឡុងពេលសំដែង ឬ ការអនុវត្ត។ ដើម្បីដំឡើងវាគ្រាន់តែដោតកាសរបស់អ្នក ហើយភ្ជាប់វាជាមួយឧបករណ៍បំពងសម្លេងតាមរយៈ 1/8 output ។

សម្រាប់ឧបករណ៍បញ្ជា DJ2GO2 ដ៏តូចនេះ វាមានមុខងារសំខាន់ៗជាច្រើនដែលប្រៀបធៀបនឹងឧបករណ៍បញ្ជាតូចៗផ្សេងទៀតដូចជា Hercules DJ Control Compact ជាដើម។ DJ2GO2 មានលក្ខណៈពិសេសជាកាតសំឡេងដែលមានភ្ជាប់ស្រាប់ , មានពីរឆានែលដែលមានវាល,ត្រួតពិនិត្យ, master gain ,រន្ធដោតកាស, crossfader , មាន 8 ប៊ូតុងមុខងារខុសគ្នា និងសមត្ថភាពក្នុងការរកមើល និងផ្ទុកចម្រៀង។

ទោះបីឧបករណ៍បញ្ជាត្រូវបានធ្វើឱ្យប្រសើរតាមបច្ចេកទេស ដើម្បីប្រើជាមួយកម្មវិធី Serato DJ និងភ្ជាប់មកជាមួយ Serato DJ Intro ក៏ដោយការត្រួតពិនិត្យលើឧបករណ៍បញ្ជា DJ2GO2 អាចត្រូវបានផ្គូរផ្គងជាមួយនឹងកម្មវិធីឌីជេ software ផ្សេងទៀត។ ឧបករណ៍បញ្ជា DJ2GO2 នេះនឹងដាក់លក់ក្នុងតម្លៃ 79 ដុល្លារហើយនឹងមានលក់នៅហាងលក់ទំនិញរាយ នាពេលប៉ុន្មានខែខាងមុខនេះ៕ ហេង លក្ខិណា