សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ : រថយន្តស្ទួចសង្ស័យដាច់ហ្រ្វាំង បុកម៉ូតូឌ្រីមសង់ ហើយបុករះចូលរបងសកលវិទ្យាល័យបណ្ដាលឲ្យនិស្សិតស្រីម្នាក់ របួសបាក់ដៃស្ដាំ និង ព្រូសរថយន្តស្ទួចរបួសម្នាក់របួសផងដែរ កាលវេលាម៉ោង២ និង ២០នាទីរសៀល ថ្ងៃទី១៨ ខែ សីហា ឆ្នាំ ២០១៧ នៅចំណុចសកលវិទ្យាល័យវិទ្យាសាស្រ្តសុខាភិបាលសាលាបច្ចេកទេសថែទាំវេជ្ជសាស្រ្ត តាមផ្លូវ២៧១ កែងផ្លូវ១៨៣ សង្កាត់ទំនប់ទឹក ខណ្ឌចំការមន រាជធានីភ្នំពេញ។
អ្នកដំណើរបានប្រាប់ថា ដោយមានរថយន្តស្ទួចកូរ៉េមួយគ្រឿង ពណ៌ខៀវ ពាក់ស្លាកលេខ ភ្នំពេញ 3B.8021 បើកតាមផ្លូវ២៧១ ក្នុងទិសដៅពីកើតមកលិច មិនដឹងមូលហេតុអ្វីនោះទេ ស្រាប់តែមកបុកម៉ូតូឌ្រីមសេ១២៥ ពណ៌ខ្មៅ ពាក់ស្លាកលេខ ភ្នំពេញ 1BM0268 អ្នកបើកជានិស្សិតម្នាក់ បើកតាមផ្លូវ១៨៣ ឡើងចំណាតក្នុងទិសដៅពីជើងមកត្បូង ហើយបណ្ដាលឲ្យនិស្សិតស្រីម្នាក់របួសបាក់ដៃស្ដាំ និង អ្នកព្រូឡានម្នាក់រងរបួសផងដែរ ក្រោយកើតហេតុអ្នកបើកបររថយន្តរត់គេចខ្លួនបាត់ ទើបមានសមត្ថកិច្ចចុះមកដល់កន្លែងកើតហេតុ ។ ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ។
ក្រោយមក កម្លាំងនគរបាលចរាចរណ៍ខណ្ឌចំការមន ក៏សម្រេចបញ្ជូនរថយន្តបង្ក និង ម៉ូតូទៅកាន់ការិយាល័យចរាចរណ៍ផ្លូវគោករាជធានីភ្នំពេញ ដើម្បីរង់ចាំដោះស្រាយគ្នា ៕ ស រស្មី
