សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង: ជនជាតិឡាវម្នាក់ និងថ្នាំញៀនជាង២គីឡូក្រាមត្រូវបាននគរបាលប្រឆាំងគ្រឿងញៀនខេត្តចុះបង្ក្រាបចាប់ឃាត់ ខ្លួនបានភ្លាមៗខណ:ជនសង្ស័យកំពង់ធ្វើចរាចរណ៍ថ្នាំញៀន ពីរប្រទេសឡាវចូលមកទឹកដីខ្មែរ ។
ការចុះបង្ក្រាបករណីខាងលើនេះបានធ្វើឡើងកាលពីវេលាម៉ោង១៩និង២០នាទី ថ្ងៃទី២៤ ខែសីហា ឆ្នាំ២០១៧ ត្រង់ចំណុចក្រវ៉ាត់ព្រំដែនបង្គោលលាក់ចន្លោះលេខ៣៤និង៣៥ ស្ថិតក្នុងភូមិស្រែសំរោង ឃុំស្រែសំបូរ ស្រុកសៀមប៉ាង ខេត្តស្ទឺងត្រែង។
ជនសង្ស័យដែលឃាត់ខ្លួនឈ្មោះ ផែង ផាន់ណាង៉ៅ អាយុ៥០ឆ្នាំ ជនជាតិឡាវ មុខរបរកសិករ មានស្រុកកំណើតនៅភូមិណាចានស្រុកសុកូម៉ា ខេត្តចំប៉ាសាក់ ប្រទេសឡាវ។
ក្រោយការឃាត់ខ្លួន សមត្ថកិច្ចដកហូតបានថ្នាំញៀនប្រភេទម្សៅក្រាមពណ៍សថ្លាមេតំហ្វេតាមីន ice ចំនួន០២កញ្ចប់ធំ ដែលមានទម្ងន់សរុប២១២៥.៥ក្រាម (សាច់ថ្នាំញៀនសុទ្ធ)។
បច្ចុប្បន្ន ជនសង្ស័យរួមទាំងវត្ថុតាងត្រូវបានសមត្ថកិច្ចបញ្ជូនមកកាន់ស្នងការដ្ឋាននគរបាលថខេត្តដើម្បីសួរនាំបន្ថែម និងកសាងសំណុំរឿងបញ្ជូនខ្លួនបន្តទៅកាន់តុលាការចាត់ការទៅតាមនីតិវិធី៕ មាស សុផាត
