បើកម៉ូតូយ៉ាងលឿនទៅបុកជាមួយរថយន្តបណ្តាលឲ្យរងរបួសធ្ងន់

ខេត្តតាកែវ៖ បុរសម្នាក់បានរងរបួសធ្ងន់ បន្ទាប់ពីបានបើកបរម៉ូតូយ៉ាងលឿនទៅបុកជាមួយរថយន្ត ដែលធ្វើដំណើរបញ្ច្រាសទិសគ្នា ។

ហេតុការណ៍នេះកើតឡើងថ្ងៃទី៥ ខែកញ្ញា ឆ្នាំ២០១៧ វេលាម៉ោង ៣:៣០ នាទីរំលងអធ្រាត្រ នៅលើផ្លូវជាតិលេខ ៣ ចន្លោះគីឡូម៉ែត្រលេខ ៥១-៥២ ស្ថិតក្នុងភូមិក្រាំត្បាល់ ឃុំក្រាំងលាវ ស្រុកបាទី ខេត្តតាកែវ។

បើតាមសមត្ថកិច្ចបានឲ្យដឹងថា ជនរងគ្រោះខាងលើមានឈ្មោះ ភូន វិចិត្រ្ត ភេទប្រុស អាយុ២៤ ឆ្នាំ មានទីលំនៅភូមិត្រពាំងព្រីង ឃុំពពេល ស្រុកត្រាំកក់ ខេត្តតាកែវ បើកបរម៉ាក Zoomer X ពីជើងទៅត្បូង លុះមកដល់ចំណុចកើតហេតុបានទៅបុកជាមួយរថយន្តម៉ាកហ៊ីយ៉ានដាយ ពណ៍ខៀវ មកពីទិសខាងត្បូង អ្នកបើកបរបានរត់គេចបាត់ស្រមោល។

បច្ចុប្បន្នជនរងគ្រោះខាងលើត្រូវបានបញ្ជូនទៅកាន់មន្ទីរពេទ្យបង្អែកខេត្តតាកែវ ចំណែករថយន្ត និងម៉ូតត្រូវបានកម្លាំងជំនាញយកមករក្សាទុកនៅអធិការដ្ឋានស្រុកបាទីដើម្បីបំពេញបែបបទបន្ត៕ ភ្នំដា