សារព័ត៌មាន នគរវត្ត តែងតែនាំមុខគេជានិច្ច
រយៈពេលកន្លងមក រដ្ឋាភិបាលហ្វីលីពីនរងការថ្កោលទោសយ៉ាងខ្លាំងពីមហាជន ទាំងក្នុង និងក្រៅប្រទេស ទៅលើសង្គ្រាមប្រឆាំងភេរវកម្ម ដែលបានសម្លាប់មនុស្ស យ៉ាងច្រើន។ បើទោះបីមានការគាំទ្រពីពលរដ្ឋនៅក្នុងសង្គ្រាមប្រឆាំងគ្រឿងញៀន តែពេលកន្លងមក ពលរដ្ឋ បានធ្វើបាតុកម្មប្រឆាំ ង ក្រោយពេលប៉ូលិសបាញ់សម្លាប់សិស្សមធ្យមសិក្សា ២នាក់ដែលចោទប្រកាន់ថាបានជួញដូរគ្រឿងញៀន។
រដ្ឋាភិបាលហ្វីលីពីន ក៏បានបង្ហាញពីក្តីកង្វល់ ពាក់ព័ន្ធសកម្មភាព របស់កម្លាំងប៉ូលិស ទាហាននៅក្នុងសង្គ្រាមប្រឆាំងភេរវកម្ម អាចមានចំណុចមួយចំនួនខុសប្រក្រតី ដោយសារតែ ការបាញ់សម្លាប់មនុស្ស ពាក់ព័ន្ធគ្រឿងញៀន គឺគ្មានទោស ទាំងនោះហើយអាចធ្វើឲ្យប៉ូលិសប្រើប្រាស់ ហេតុការណ៍ទៅធ្វើរឿងខុសច្បាប់ យកគ្រឿងញៀនមកបិទមុខ ។
ចំណុចទាំងនោះហើយបានជាប្រធានាធិបតីហ្វីលីពីន លោក រ៉ូឌ្រីហ្គោ ឌូទ័រតេ បានបញ្ជាឲ្យប៉ូលិសអនុញ្ញាតឲ្យអ្នកកាសែត ចូលរួមក្នុងការបង្ក្រាបគ្រឿងញៀនខុសច្បាប់ ដែលការអនុញ្ញាតនេះ ធ្វើឡើងដើម្បីបដិសេធការចោទប្រកាន់ថា បានសម្លាប់ក្រៅប្រព័ន្ធតុលាការ ប៉ុន្តែបានព្រមានអ្នកយកព័ត៌មានថា ពួកគេអាចទទួលការបាញ់ប្រហារ។
យោងតាមសារព័ត៌មាន Philstarចេញផ្សាយនៅថ្ងៃពុធ ទី៦ ខែកញ្ញា ឆ្នាំ២០១៧បានឲ្យដឹងថា លោក ឌូទ័រតេ បានចេញបញ្ជានេះ ធ្វើឡើងនៅក្នុងព័ត៌មានមួយកាលពីល្ងាចម្សិលមិញ បន្ទាប់ពីការស៊ើបអង្កេតរបស់ព្រឹទ្ធសភា។ មេប៉ូលិសជាតិហ្វីលីពីន បានយំយែកចំពោះអ្វីដែលលោកបាននិយាយថា ជាការខឹងសម្បារចំពោះការចោទប្រកាន់មិនសមហេតុផលប្រឆាំងនឹងក្រុមប៉ូលិសរបស់លោក។
ការបង្ក្រាបរបស់លោក Duterteដែលបានបន្សល់ទុកជនសង្ស័យរាប់ពាន់នាក់បានស្លាប់បានទទួលការត្រួតពិនិត្យជាថ្មីបន្ទាប់ពីនគរបាលបាញ់ប្រហារក្មេងជំទង់ដែលពួកគេបានពិពណ៌នាថា ជាអ្នកជួញដូរគ្រឿងញៀនម្នាក់ ដែលបានបាញ់ទៅលើក្រុមមន្ត្រីក្នុងអំឡុងការវាយឆ្មក់ ប៉ុន្តែគ្រួសារ និងសាក្សីជាច្រើនបាននិយាយថានិស្សិតម្នាក់ដែលត្រូវគេបាញ់នោះ បានសុំអង្វរជីវិតរបស់គាត់ពីប៉ូលិស៕ ម៉ែវ សាធី
