សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រដ្ឋាភិបាលចិន បានតាមដានដោយយកចិត្តទុកដាក់អំពីសភាពការណ៍ នៅប្រទេសកម្ពុជាទាក់ទង នឹងការចាប់ខ្លួនមេដឹកនាំបក្សប្រឆាំង ហើយបានគាំទ្រចំណាត់ការរបស់រដ្ឋាភិបាលកម្ពុជា។
លោក វ៉ាង ជេរុយ (Wang Jairui) អនុប្រធានប្រឹក្សានយោបាយប្រជាជនចិន បានបញ្ជាក់ក្នុងជំនួបជាមួយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅ វិមានសន្តិភាពទីស្តីការនាតករដ្ឋមន្ត្រី នាព្រឹកថ្ងៃទី៨ ខែកញ្ញា ឆ្នាំ២០១៧។
បើតាមលោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានឲ្យដឹងថា នៅក្នុងជំនួបនេះ លោក វ៉ាង ជេ រុយ បានជំរាបជូនសម្តេច ថា លោកបានដឹកនាំគណៈប្រតិភូ សភាក្រុមប្រឹក្សានយោបាយប្រជាជនចិន មកទស្សនកិច្ចនៅកម្ពុជា ដើម្បីពង្រឹងទំនាក់ទំនង ថែមទៀតរវាងចិន និងកម្ពុជាក្នុងក្របខ័ណ្ឌទ្វេភាគី។
លោក វ៉ាង បានជំរាបជូនសម្តេចថា រដ្ឋាភិបាលចិន បានតាមដាន ព្រឹត្តិការណ៍នយោបាយ នៅប្រទេសកម្ពុជា ហើយរដ្ឋាភិបាលចិនក៏មានគោលនយោបាយច្បាស់លាស់ដែរ អំពីចំណាត់ការរបស់រាជរដ្ឋាភិបាលកម្ពុជា ក៏ដូចជាតុលាការពាក់ព័ន្ធ នឹងការចាប់ខ្លួនប្រធានគណបក្សប្រឆាំង លោក កឹម សុខា។
លោក ថា នៅប្រទេសចិន អំពើក្បត់ជាតិ ជាអំពើធ្ងន់ធ្ងរដែលតម្រូវឲ្យមានចាត់វិធានការភ្លាមៗដើម្បីកុំឲ្យប៉ះពាល់ដល់សភាពការណ៍ក្នុងប្រទេស។
លោក វ៉ាង ជេរុយ ក៏បានជំរាបជូនសម្តេចផងដែរ អំពីសភាពការណ៍នយោបាយរវាង ប្រទេសចិន ជាមួយឥណ្ឌា ចិន ជាមួយវៀតណាម ជាមួយហ្វីលីពីន និងសភាពការណ៍នៅឧបទ្វីបកូរ៉េ ដោយលោក បានបញ្ជាក់ថា ទំនាក់ទំនងជាមួយ ប្រទេសទាំងអស់នោះ មានភាពល្អជាងមុន ពិសេសជាមួយឥណ្ឌា ក្រោយនាយករដ្ឋមន្ត្រីឥណ្ឌាបានធ្វើទស្សនកិច្ចនៅប្រទេសចិន ដែលបានបើកទំព័រថ្មីមួយទៀតនៃទំនាក់ទំនងចិន ឥណ្ឌានៅក្នុងនេះ លោក វ៉ាង បានពាំនាំផ្ដាំផ្ញើសួរសុខទុក្ខពី លោក ស៊ី ជិនពីង ប្រធានាធិបតីចិន និង លោក លី ខឹឈាំង នាយករដ្ឋមន្ត្រី ជូនចំពោះសម្តេចតេជោ នាយករដ្ឋមន្ត្រី។
លោក វ៉ាង បានប្រសាសន៍ថា បច្ចុប្បន្នទំនាក់ទំនងនៃប្រទេសទាំងពីរបានឈានដល់ក្រប ខណ្ឌយុទ្ធសាស្ត្រគ្រប់ជ្រុងជ្រោយ បានធ្វើឲ្យមានការរីកចំរើនយ៉ាងខ្លាំងសម្រាប់ ទំនាក់ទំនងយើងទាំងពីរ។ នៅក្នុងជំនួបនេះ លោក វ៉ាង ក៏បានជំរាបជូនដែរថា នៅពេលខាងមុខនេះប្រទេសចិននឹងមានជួបប្រជុំសភាជាតិ លើកទី១៩ ដែល គ្រោងធ្វើនៅខែតុលា ខាងមុខនេះ ក្នុងនោះ ក៏នឹងមានការបោះ ឆ្នោតជ្រើសរើសមេដឹកនាំចិន។ លោកវ៉ាង បានបញ្ជាក់ថា លោករំពឹងថា លោក ស៊ី ជិនពីង នឹងបន្តធ្វើជាអគ្គលេខាបក្សកុម្មុយនិស្តចិន។
លើសពីនេះ លោក បានបញ្ជាក់ថា ទំនាក់ទំនងកម្ពុជាចិន ត្រូវបានចាត់ទុកថា ដូចជាបងប្អូន ទំនាក់ទំនងរវាងប្រទេសទាំងពីរ ដូចជា មហាគ្រួសារ ហើយប្រទេសទាំងពីរ មិនអាចមានអ្នកណាបំបែកបំបាក់បាននោះទេ។
នៅក្នុងជំនួបនេះដែរ សម្តេចតេជោនាយករដ្ឋមន្ត្រី បានបង្ហាញការស្វាគមន៍ និងអរគុណ លោក ដែលបានជម្រាបជូនសម្តេច នូវសភាពការណ៍រវាងទំនាក់ទំនងចិន, ឥណ្ឌា, វៀតណាម, ហ្វីលីពីន ក៏ដូចជា ស្ថានភាពនៅឧបទ្វីបកូរ៉េ។ សម្តេច តេជោ បានមានប្រសាសន៍ដែរថា ភាពជោគជ័យរបស់កម្ពុជា ក៏ជាភាពជោគជ័យ របស់ប្រទេសចិនផងដែរ។
លោក Wang Jiarui បានជម្រាបជូនសម្តេចដែរថា ប្រទេសចិន បានរៀបចំរួចជាស្រេចចំពោះដំណើរទស្សនកិច្ច របស់សម្តេចតេជោ នៅសប្តាហ៍ក្រោយ ដោយសម្តេច នឹងអញ្ជើញចូលរួម ការតាំងពិព័រណ៍ ចិន-អាស៊ាន និងកិច្ចប្រជុំកំពូល វិនិយោគ ពាណិជ្ជកម្ម ចិន-អាស៊ាន នៅទីក្រុងណាននីង ប្រទេសចិន។
សម្តេច ក៏បានជូនពរ តាមរយៈលោក Wang Jiarui ដល់ប្រធានាធិបតីចិន លោក ហ្ស៊ី ជិនពីង ឲ្យទទួលបានការគាំទ្រ នៅក្នុងក្របខណ្ឌជាអគ្គលេខាធិការគណបក្សកុម្មុយនិស្តចិន នាការបោះឆ្នោតនាពេលខាងមុខ។
លោក វ៉ាង ជេរុយ បានជំរាបជូនសម្តេចតេជោ ថា លោកបានដឹកនាំគណៈប្រតិភូ សភាក្រុមប្រឹក្សានយោបាយប្រជាជនចិន មកទស្សនកិច្ចនៅកម្ពុជា ដើម្បីពង្រឹងទំនាក់ទំនង ថែមទៀតរវាងចិន និងកម្ពុជាក្នុងក្របខណ្ឌទ្វេភាគី។
នៅក្នុងនេះ លោក វ៉ាង បានពាំនាំផ្ដាំផ្ញើសួរសុខទុក្ខពី លោក ស៊ី ជិនពីង ប្រធានាធិបតីចិន និង លោក លី ខឹឈាំង នាយករដ្ឋមន្ត្រី ជូនចំពោះសម្តេចតេជោ នាយករដ្ឋមន្ត្រី។ លោក វ៉ាង បានប្រសាសន៍ថា បច្ចុប្បន្នទំនាក់ទំនងនៃប្រទេសទាំងពីរបានឈានដល់ក្រប ខណ្ឌយុទ្ធសាស្ត្រគ្រប់ជ្រុងជ្រោយ បានធ្វើឲ្យមានការរីកចំរើនយ៉ាងខ្លាំងសំរាប់ ទំនាក់ទំនងយើងទាំងពីរ។ នៅក្នុងជំនួបនេះ លោក វ៉ាង ក៏បានជំរាបជូនដែរថា នៅពេលខាងមុខនេះប្រទេសចិននឹងមានជួបប្រជុំសភាជាតិ លើកទី១៩ ដែល គ្រោងធ្វើនៅខែតុលា ខាងមុខនេះ ហើយដែលក្នុងនោះ ក៏នឹងមានការបោះ ឆ្នោតជ្រើសរើសមេដឹកនាំចិន។ លោក វ៉ាង បានបញ្ជាក់ថា លោករំពឹងថា លោក ស៊ី ជិនពីង នឹងបន្តធ្វើជាអគ្គលេខាបក្សកុម្មុយនិស្ត ចិន។
លោកវ៉ាង បានជំរាបជូនសម្តេចផងដែរ អំពីសភាពការណ៍នយោបាយរវាង ប្រទេសចិន ជាមួយឥណ្ឌា ចិន ជាមួយវៀតណាម ជាមួយហ្វីលីពីន និងសភាពការណ៍នៅឧបទ្វីបកូរ៉េ ដោយលោកបញ្ជាក់ថា ទំនាក់ទំនងជាមួយ ប្រទេសទាំងអស់នោះ មានភាពល្អជាងមុន ពិសេសជាមួយឥណ្ឌា ក្រោយនាយករដ្ឋមន្ត្រីឥណ្ឌាបានធ្វើទស្សនកិច្ចនៅប្រទេសចិន ដែលបានបើកទំព័រថ្មីមួយទៀតនៃទំនាក់ទំនងចិន ឥណ្ឌា៕
