សារព័ត៌មាន នគរវត្ត តែងតែនាំមុខគេជានិច្ច
ឥឡូវនេះមានវិធីថ្មីដើម្បីដោះសោទូរស័ព្ទ iPhone ។ នៅលើវេទិកានាពេលបច្ចុប្បន្ននេះ លោក Phil Schiller របស់ក្រុមហ៊ុន Apple បានដាក់បង្ហាញនូវទូរស័ព្ទ iPhone X ជាមួយនឹងការភ្ញាក់ផ្អើលដ៏ធំមួយនោះគឺគ្មានប៊ូតុង Home ។ ដោយសារតែអេក្រង់ទូរស័ព្ទ iPhone X មិនមានកន្លែងសម្រាប់ប៊ូតុង Home នោះទេគឺវាពឹងផ្អែកលើប្រព័ន្ធទទួលចំនាំផ្ទៃមុខដែលហៅថា Face ID ដើម្បីដោះសោទូរស័ព្ទ។
ទូរស័ព្ទ iPhone X មានអារម្មណ៍ដូចជា “អនាគតស្មាតហ្វូន” Face ID នឹងជំនួសដោយ Touch ID ។ ប៊ូតុង Home ដែលបានអនុញ្ញាតការដាក់ស្នាមម្រាមដៃចាប់តាំងពីឆ្នាំ 2013 ទូរស័ព្ទ iPhone 5S ។ អ្នកប្រើអាចដាស់ទូរស័ព្ទដោយអូសពីបាតក្រោមជំនួសឲ្យចុចប៊ូតុង ។
សមត្ថភាពថ្មីត្រូវបានបើកដោយកាមេរ៉ា និងប្រព័ន្ធដំណើរការថ្មី។ ក្រុមហ៊ុន Apple បានហៅកាមេរ៉ា TrueDepth ថ្មីដែលមានកាមេរ៉ាធម្មតា កាមេរ៉ា infrared, depth sensor និង dot projector ដែលមានចំនួន 30,000 infrared dot នៅលើផ្ទៃមុខរបស់អ្នកប្រើប្រាស់។
ក្រុមហ៊ុន Apple ក៏បានរចនាឡើងកំណែថ្មីនៃដំណើរការ A11 របស់ខ្លួន ដើម្បីគ្រប់គ្រងការទាមទារតែមួយគត់នៃការចំនាំផ្ទៃមុខពិតប្រាកដ។ លោក Schiller សំដៅទៅលើបន្ទះឈីបនេះថាជា “bionic engine” ដោយប្រើបច្ចេកវិទ្យា neural net ដើម្បីប្រៀបធៀប face login ជាមួយនឹងមុខដែលបានចុះឈ្មោះមុន ៗ ។
យោងទៅតាមលោក Schiller លទ្ធផលនេះគឺមានភាពត្រឹមត្រូវច្រើនជាង Touch ID ជាមួយនឹងឱកាស 1 / 1,000,000 នៃការអនុញ្ញាតឲ្យនរណាម្នាក់ចូលប្រើទូរស័ព្ទរបស់អ្នក។ ការប៉ាន់ស្មានសមមូលរបស់ Apple សម្រាប់ Touch ID គឺមួយ / 50,000 ។ ប្រព័ន្ធ FaceID ថ្មីត្រូវបានបង្ហាញជាលើកដំបូង នៅក្នុងការលេចធ្លាយកម្មវិធីនៅចុងសប្តាហ៍ជាមួយនឹងព័ត៌មានលម្អិតថ្មីៗស្តីពីការសាកថ្មឥតខ្សែ និង status bar update នៅក្នុង iOS 11 ។ យោងតាមការលេចធ្លាយនេះ ប្រព័ន្ធចំនាំផ្ទៃមុខថ្មីនឹងមានសមត្ថភាពជំនួសដោយ Touch ID នៅគ្រប់ទីកន្លែងដែលប្រព័ន្ធបច្ចុប្បន្ន ត្រូវបានប្រើទាំងការដោះសោទូរស័ព្ទ និងការបញ្ជាក់ការទិញនៅលើ iTunes, App Store និង Apple Pay ៕ ហេង លក្ខិណា
