សារព័ត៌មាន នគរវត្ត តែងតែនាំមុខគេជានិច្ច
យ៉ាងតិចមនុស្ស៣នាក់បានបាត់បង់ជីវិត និង២៧នាក់ផ្សេងទៀតរងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍កាលពីរសៀលថ្ងៃទី២២ ខែកញ្ញា ឆ្នាំ២០១៧ ស្ថិតនៅទីក្រុងហុងកុង។
ប៉ូលិសបានលើកឡើងថា ហេតុការណ៍កើតឡើងនៅវេលាម៉ោង៦និង៣០នាទីល្ងាច ម៉ោងនៅក្នុងតំបន់រវាងរថយន្តតាក់ស៊ី នឹងរថយន្តក្រុង និងបុកបន្តទៅអគារលំនៅឋានប្រជាពលរដ្ឋក្បែរខាងនោះ។
ក្រោយកើតហេតុ កម្លាំងសមត្ថកិច្ច រួមជាមួយក្រុមពន្លត់អគ្គីភ័យបានទៅដល់កន្លែងកើតហេតុភ្លាមៗ ។ ជនរងគ្រោះម្នាក់បានស្លាប់នៅនឹងកន្លែង ខណៈដែល២នាក់ផ្សេងទៀត បាត់បង់ជីវិតនៅឯមន្ទីរពេទ្យដោយរងរបួសធ្ងន់ពេក ក្រុមគ្រូពេទ្យមិនអាចជួយសង្គ្រោះបាន។ ក្រៅពីនេះ អ្នករងរបួសច្រើននាក់ទៀតត្រូវបានបញ្ជូនទៅមន្ទីរពេទ្យក្បែរខាង ក្នុងនោះ៨នាក់ស្ថិតក្នុងស្ថានភាពរងរបួសធ្ងន់ ។ នេះបើតាមការលើកឡើងរបស់មន្ត្រីហុងកុង។
ប៉ូលិសបានចាប់ខ្លួនបុរសអ្នកបើកបរអាយុ៤៤ឆ្នាំ ដោយសង្ស័យបើកបរដោយចេតនាបង្កគ្រោះថ្នាក់៕
