សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរស២នាក់បានរងរបួសដោយសារករណី គ្រោះថ្នាក់ចរាចរណ៍រវាងម៉ូតូ២គ្រឿងបុកគ្នាក្នុងទិសដៅបញ្ច្រាសគ្នា ហើយបត់ឆ្វេងខ្វះប្រុងប្រយត្ន័កាលពីវេលាម៉ោង៨យប់ ថ្ងៃទី២ ខែតុលា ឆ្នាំ២០១៧ លើផ្លូវលេខ២០៩ ស្ថិតក្នុងភូមិ វាលយន្ត សង្កាត់ស្វាយរៀង ក្រុងស្វាយរៀង ខេត្តស្វាយរៀង។
តាមសមត្ថកិច្ចនគរបាលក្រុងស្វាយរៀងបានឲ្យដឹងថា មុនកើតហេតុមានម៉ូតូម៉ាក វ៉េវ ពណ៌ខ្មៅ ពាក់ ស្លាកលេខ ស្វាយរៀង ១G២៦១៦ បើកបរ ដោយឈ្មោះ ជុំ សំណាង អាយុ ៣៧ ឆ្នាំ ភេទប្រុស(មុខរបរ អង្គការជី ហ្វាយ ណាន់)រស់នៅភូមិ វាលយន្ត សង្កាត់ស្វាយរៀង ក្រុងស្វាយរៀងបានធ្វើដំណើរ ទិសដៅ ពី ត្បូង ទៅ ជើង ហើយក៏បានបត់ឆ្វេងគ្មានការប្រុងប្រយ័ត្ន ស្រាប់តែមានម៉ូតូម៉ាក សេ១២៥ ពណ៌ខ្មៅ ស្លាកលេខ ស្វាយរៀង ១F ០៧៩៣ បើកបរដោយ ឈ្មោះ ម៉ុក សំណាង ភេទ ប្រុស អាយុ ២៣ ឆ្នាំ មុខរបរកម្មករ រស់នៅភូមិ ចុងព្រែកសង្កាត់ ស្វាយរៀង ក្រុងស្វាយរៀង ធ្វើដំណើរពី ជើងទៅត្បូងចាប់ហ្វ្រាំងមិនទាន់ ក៏បុកគ្នាពេញទំហឹងបណ្ដាលឲ្យម៉ូតូ និងមនុស្សខ្ទាតប្រមាណ៥ម៉ែត្រទាំងសងខាង ត្រូវបានអ្នកភូមិ ក៏ដូចជាអ្នកធ្វើដំណើររាយការណ៍មកសមត្ថកិច្ចមូលដ្ឋានដឹកភាគីទាំង២មកកាន់មន្ទីរពេទ្យខេត្តព្រមទាំងវាស់វែង និងអូសម៉ូតូទាង២គ្រឿងមកកាន់អធិការដ្ឋាននគរបាលក្រុងស្វាយរៀងចាត់ការតាមច្បាប់៕ យឹម សុថាន
