សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ក្នុងចំណោមបក្សពួក៤នាក់ជិះម៉ូតូ២គ្រឿង បានធ្វើសកម្មភាពឆក់កាបូបពីប្ដីប្រពន្ធ២នាក់ បានសំរេចហើយព្យាយាមបើករត់គេចខ្លួនតែត្រូវជនរងគ្រោះបើកម៉ូតូដេញតាមនិង ស្រែកឆោឡោថាចោរៗ ត្រូវប្រជាពលរដ្ឋនិងនគរបាលប៉ុសិ៍ទឹកល្អក់៣ ជួយអន្តរគមន៍ចាប់ក្របួចជាប់បានម្នាក់និងដកហូតម៉ូតូមួយគ្រឿងម៉ាក់ស៊ុយស៊ីគីនិច ចំណែកឯបក្ខពួក៣នាក់ បានរត់គេចខ្លួនបាត់ស្រមោល ។
ករណីឆក់កាបូបខាងលើនេះ បានកើតឡើងកាលពីវេលាម៉ោង០៧និង១០នាទីយប់ថ្ងៃទី០៥ ខែតុលា ឆ្នាំ២០១៧ ស្ថិតនៅចំណុចផ្លូវលេខ៣៣០ ជិតសាលាបញ្ញាជាតិ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ ។
ជនសង្ស័យឈ្មោះ ហេង មករា ភេទប្រុស អាយុ១៨ឆ្នាំ មុខរបរកម្មករលើកទឹកសុទ្ធ ស្នាក់នៅក្រោយសាលាជាស៊ីមសាមគ្គី ។
តាមប្រភពព័ត៌មានពីជនរងគ្រោះបានប្រាប់អោយដឹងថា មុនពេលកើតហេតុគាត់២នាក់ប្ដីប្រពន្ធ ជិះម៉ូតូស្មាករ៉េវ៉ូ ពណ៌ខ្មៅ ស្លាក់លេខភ្នំពេញ1AM-3413 បានឃើញក្រុមជនសង្ស័យមានគ្នា៤នាក់ជិះម៉ូតូ២គ្រឿងនិចមួយគ្រឿងនិងសងសេ១២៥មួយគ្រឿងបានតាមគាត់តាំងពីផ្សារអូឡាំងពិចរហូតមកដល់កន្លែងកើតហេតុខាងលើទើបជនសង្ស័យ២នាក់ដែលជិះម៉ូតូនិច ពណ៌ផ្កាឈូកលាយស ស្លាក់លេខភ្នំពេញ1GD-9707 បានធ្វើសកម្មភាពឆក់កាបូបពួកគាត់បានសំរេច ហើយម៉ូតូសងសេ១២៥ ពណ៌ខ្មៅមិនចាំម៉ាក់ជាអ្នកបិទគូទភ្លាមៗនោះគាត់២នាក់ប្ដីប្រពន្ធបានជិះម៉ូតូដែញស្រែកចោរៗបង្កភ្ញាក់ផ្អើលដល់ប្រជាពលរដ្ឋនៅជិតនោះជួយដេញចាប់បានម្នាក់និងដកហូតម៉ូតូនិចមួយគ្រឿងរឺឯជនសង្ស័យ៣នាក់ទៀតនិងម៉ូតូសេ១២៥បានរត់បាត់ស្រមោល។
ក្រោយកើតហេតុជនសង្ស័យត្រូវ សមត្ថកិច្ចនាំខ្លួនយកមកសាកសួរនៅនគរបាលប៉ុស្តិ៍ទឹកល្អក់ទី៣ រួចបញ្ជូនបន្តទៅអធិការនគរបាលខណ្ឌទួលគោកដើម្បីចាត់ការតាមនីតីវិធី ៕ស តារា
