សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ កម្មករសំណង់ម្នាក់បានយកម៉ូទ័រកាត់ដែកធ្វើចប់ជីក តែអកុសល ផ្លែម៉ូទ័រកាត់ដែកនោះបានបាក់ជាពីរកំណាត់ ខ្ទាត់ចំបំពង់ក ដាច់សរសៃឈាម ស្លាប់យ៉ាងអាណោចអាធ័ម កាលពីថ្ងៃទី៧ ខែតុលា ឆ្នាំ២០១៧ វេលាម៉ោង១២ និង១០នាទី នៅចំណុចផ្សាស្ទោង ស្ថិតនៅភូមិកំពង់ក្តី ឃុំកំពង់ចិនត្បូង ស្រុកស្ទោង ខេត្តកំពង់ធំ ។
តាមប្រភពពត័មានពីលោក យ៉ងសំ អធិការស្រុកស្ទោង បានបញ្ជាក់ប្រាប់តាមទូស័ព្ទថា ក្រោយពីកម្មករទាំងអស់ឈប់សម្រាកពេលម៉ោងបាយនោះ ស្រាប់តែ ជនរងគ្រោះ បានយកដែកទីប ១ដើម ប្រវែង ជាងមួយម៉ែត្រ មកកាត់ធ្វើ ចបជីក សម្រាប់ប្រើប្រាស់ផ្ទាល់ខ្លួនក្នុងគ្រួសារ បន្ទាប់ពីកាត់បានបន្ដិច ក៏បាក់ផ្លែម៉ូទ័រកាត់នោះជា២កំណាត់ ខ្ទាត់មកចំបំពង់កធ្វើឲ្យដាច់សរសៃឈាមហូរស្រោចពេញដី រហូតដល់បាត់បង់ជីវិតដែលពុំអាចជួយសង្រ្គោះទាន់ ដោយសារឈាមហូរលឿនពេក ។ ជនរងគ្រោះ ឈ្មោះណាំ គា ភេទប្រុស អាយុ៥៤ឆ្នាំ នៅភូមិបទុមកើត ឃុំរុងរឿង ស្រុកស្ទោង ខេត្តកំពង់ធំ។
សាកសពត្រូវបានប្រគល់ឲ្យប្រពន្ធយកទៅធ្វើបុណ្យតាមប្រពៃណីនៅភូមិ ឃុំខាងលើ៕ ប៊ុន រិទ្ធី
