សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក វ៉ា ស៊ឹមសូរិយា អ្នកនាំពាក្យ ក្រសួងសាធារណការ និងដឹកជញ្ជូន បានឲ្យដឹងថា កម្ពុជានឹងមានផ្លូវរថភ្លើងរត់ត្រង់ពីទីក្រុងភ្នំពេញ ទៅទីក្រុងបាងកក នៅឆ្នំា ២០២០ ខាងមុខនេះ។
លោកឲ្យដឹងថា ប្រទេសកម្ពុជាកំពុងពន្លឿនការជួសជុលផ្លូវដែកដែលបានខូចខាតពីស្រុកមង្គលបុរី តភ្ជាប់មកខេត្តពោធិ៍សាត់ និងមកភ្នំពេញ និង កំពុងជួសជុលស្ថានីយមួយកន្លែងនៅក្នុងក្រុងប៉ោយប៉ែតដើម្បីឲ្យសម្រេចតាមផែនការរបស់ខ្លួនមានរត់ភ្លើងរត់ត្រង់ពីភ្នំពេញទៅទីក្រុងបាងកក។ ផ្លូវរថភ្លើងបានតភ្ជាប់រួចហើយពីក្រុងប៉ោយប៉ែតប្រទេសកម្ពុជា និងខេត្តស្រះកែវ ប្រទេសថៃ តែដោយសារប្រទេសកម្ពុជាពុំមានថវិកាគ្រប់គ្រាន់ក្នុងការជូសជុល ទើបធ្វើឲ្យមានការយឺតយ៉ាវ ព្រោះប្រទេសកម្ពុជាប្រើប្រាស់ថវិកាជាតិទំាងមូលក្នុងការជួសជូល។
លោកបានបន្ថែមថា ក្រសួងសេដ្ឋកិច្ចបានទំលាក់លុយប្រមាណជា ២០ លានដុល្លារ ហើយគម្រោងជួសជុលនេះ ត្រូវចំណាយប្រមាណជា ៣០ លានដុល្លារទើបសម្រេចជាស្ថាពរ៕
