សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុះ៖ កាលពីវេលាម៉ោង៨ និង២០នាទីយប់ ថ្ងៃទី១៧ ខែតុលា ឆ្នាំ២០១៧ នៅលើដងផ្លូវជាតិលេខ៣ ចំណុចជិតជញ្ជីងថ្លឹងរថយន្ត ស្ថិតក្នុងភូមិបឹងវែង ឃុំវាលរេញ ស្រុកព្រៃនប់ មានករណីគ្រោះថ្នាក់ចរាចរមួយកើតឡើង បង្កដោយរថយន្ត១គ្រឿងមិនស្គាល់ម៉ាក បើកបរក្នុងទិសដៅពីកំពតឆ្ពោះទៅវាលរេញ(រថយន្តរត់គេចខ្លួនបាត់) មកដល់ចំណុចខាងលើបានបុកម៉ូតូ ០១គ្រឿងម៉ាក MSX ពណ៌ស ពាក់ស្លាកលេខ ភ្នំពេញ 1CY-១០៤៧ បើកបរក្នុងទិសដៅពីវាលរេញទៅកំពត ដោយឈ្មោះ ណាត ចាន់នឿន ភេទប្រុស អាយុ ២០ឆ្នាំ មានទីលំនៅភូមិវាសមាស ឃុំវាលរេញ ស្រុកព្រៃនប់ ខេត្តព្រះសីហនុ បណ្តាលឲ្យអ្នកបើកបរម៉ូតូរងរបួសធ្ងន់។
បច្ចុប្បន្នជនរងគ្រោះបញ្ជូនទៅសង្គ្រោះបន្ទាន់នៅមន្ទីរពេទ្យរាជធានីភ្នំពេញ រីឯរថយន្តគេចខ្លួនបាត់ សមត្ថកិច្ចកំពុងស្រាវជ្រាវរករថយន្តបង្កដើម្បីយកមកទទួលខុសត្រូវ ៕ ឆ្លាម សមុទ្រ
