សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ : បុរសអនាថាម្នាក់ បានដេកស្លាប់នៅមុខផ្ទះគេ ត្រូវបានគេសង្ស័យថាខ្យល់គរ បង្កការភ្ញាក់ផ្អើលដល់សមត្ថកិច្ចមូលដ្ឋាន ចុះមកពិនិត្យ កាលវេលាម៉ោង៥ព្រឹក ថ្ងៃទី៦ ខែវិច្ឆិកា ឆ្នាំ ២០១៧ នៅចំណុចមុខផ្ទះលេខ១៤៩Eo ផ្លូវកម្ពុជាក្រោម ស្ថិតនៅសង្កាត់មិត្តភាព ខណ្ឌ៧មករា រាជធានីភ្នំពេញ ។
ជនរងគ្រោះឈ្មោះ ជាតិ ហៅក្របី ភេទប្រុស អាយុ៣៤ឆ្នាំ ស្នាក់នៅមិនពិតប្រាកដ ។
បើតាមប្រភពព័ត៌មានពីសមត្ថកិច្ចបានប្រាប់ថា មុនកើតហេតុ បានឃើញជនរងគ្រោះខាងលើបានផឹកស្រាតាំងពីយប់រហូតមកដេកនៅមុខផ្ទះកើតហេតុខាងលើ លុះដល់ព្រឹកឡើងដេកយូរពេក ដោយមិនឃើញងើប ក៏ត្រូវមានសន្តិសុខបានដើរទៅដាស់ តែមិនងើបសោះ ក៏បានដឹងថា បុរសរងគ្រោះបានស្លាប់បាត់ទៅហើយ ។
ភ្លាមៗនោះសន្តិសុខដូចគ្នាបានរត់មកប្រាប់សមត្ថកិច្ចមូលដ្នានថា ជនរងគ្រោះខាងលើបានស្លាប់បាត់ទៅហើយ ក្រោយមក ក៏បាននាំគ្នាទាក់ទងទៅរថយន្តដឹកសពយកទៅដាក់នៅវត្តស្ទឹងមានជ័យ ៕ សរស្មី
