សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរសម្នាក់មិនស្គាល់អត្តសញ្ញាណ ត្រូវរថយន្ដមិនស្គាល់ម៉ាកបុកស្លាប់កាលពីវេលាម៉ោង៧និង ១០នាទីយប់ ថ្ងៃទី៤ ខែវិច្ឆិកា ឆ្នាំ២០១៧ នៅលើកំណាត់ផ្លូវជាតិលេខ៦ ត្រង់ចំណុចភូមិជីអោក ឃុំបារាយណ៍ ស្រុកបារាយណ៍ ខេត្តកំពង់ធំ។
តាមប្រភពព័ត៌មានពីសមត្ថកិច្ចបានឲ្យសារព័ត៌មាននគរវត្តដឹងថា ករណីគ្រោះថ្នាក់ចរាចរណ៍នេះ បានកើតឡើងដោយសាររថយន្តមិនស្គាល់ម៉ាក និង មិនអត្តសញ្ញាណអ្នកបើកបរបានបើកបុកអ្នកថ្មើរជើងមិនស្គាល់អត្តសញ្ញាណម្នាក់ បណ្តាលឲ្យស្លាប់នៅកន្លែងកើតហេតុ។ក្រោយពីកើតហេតុភ្លាម អ្នកបើកបរបានបើកគេចបាតស្រមោលតែម្ដង។
បន្ទាប់ពីកើតហេតុ សមត្ថកិច្ចបានស្រាវជ្រាវរកសាច់ញាតិបងប្អូនសពឲ្យមកយកសាកសពដើម្បីរៀបចំធ្វើបុណ្យ និងកំពុងស្រាវជ្រារករថយន្ដបង្កឲ្យសាមីរថយន្តចូលខ្លួនមកដោះសា្រយតាមផ្លូវច្បាប់ ៕ ប៊ុន រិទ្ធី
