សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ ម្ចាស់រថយន្តកាមរីម្នាក់ រងរបួសយ៉ាងដំណំ និង ភ័យព្រលឹងចុងសក់ បន្ទាប់ពីរថយន្តយីឌុបមួយគ្រឿង បានជ្រុលមកបុកពេញមួយទំហឹងបណ្តាលឲ្យរថយន្តទៅមុខលែងរួច ។
ហេតុការណ៍នេះ បានកើតឡើងកាលពីវេលាម៉ោង៤និង៤០នាទី ថ្ងៃទី១៥ ខែវិច្ឆិកា ឆ្នាំ២០១៧ នៅលើកំណាត់ផ្លូវជាតិលេខ៥ ចន្លោះបង្គោលគីឡូម៉ែត្រលេខ៩៧និង៩៨ ត្រង់ចំណុចផ្លូវកោងមួយកន្លែង ដែលស្ថិតក្នុងភូមិខ្វិត ឃុំពង្រ ស្រុករលាប្អៀរ ខេត្តកំពង់ឆ្នាំង។
សមត្ថកិច្ចបានឲ្យដឹងថា នៅមុនពេលកើតហេតុមានរថយន្ត មួយគ្រឿង ម៉ាកហ៊ីយ៉ាន់ដាយ ពណ៌ទឹកប្រាក់អត់ពាក់ស្លាកលេខ ធ្វើដំណើរក្នុងទិសដៅពីត្បូងទៅជើង បើកបរក្នុងល្បឿនយ៉ាងលឿន បើកបរដោយឈ្មោះ ឈ្មោះហៀ ធឿន ភេទប្រុស អាយុ៤៥ឆ្នាំ រស់នៅខេត្តព្រៃវែង នៅពេលមកដល់កន្លែងកើតហេតុ ជាកន្លែងផ្លូវកោងបានវ៉ាក់នឹងរថយន្តម៉ាកតូយ៉ូតាកាមរីបាឡែន ពណ៌ទឹកប្រាក់ពាក់ស្លាកលេខ ២Y-០៤១២ បើកបរក្នុងទិសដៅបញ្ច្រាសគ្នាពីជើងទៅត្បូង បានជ្រុលទៅបុករថយន្តបាឡែនពេញមួយទំហឹង បណ្តាលឲ្យខូចរថយន្តទាំងពីរគ្រឿងទៅមុខលែងរួច ចំណែកឯកអ្នកបើកបរថយន្តបាឡែនរងរបួសស្រាល។
ក្រោយពេលកើតហេតុ រថយន្តបង្កទាំងពីរត្រូវបានយកមករក្សាទុកនៅអធិការដ្ឋាននគរបាលស្រុករលាប្អៀរ ខេត្តកំពង់ឆ្នាំង៕ ចន្ថា
