សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ ជនសង្ស័យ៣នាក់ត្រូវបានកម្លាំងសមត្ថកិច្ចនគរបាលស្រុកត្រាំកក់ឃាត់ខ្លួន រួមជាមួយថ្នាំញៀន៦កញ្ចប់។ ករណីឃាត់ខ្លួននេះ ធ្វើឡើងកាលពីថ្ងៃទី២២ ខែវិច្ឆិកា ឆ្នាំ២០១៧ វេលាម៉ោង៩ និង១០នាទីយប់ នៅចំណុចកុងស៊ីកាប់ជ្រូក ស្ថិតនៅភូមិត្រពាំងខ្លូត ឃុំអង្គតាសោម ស្រុកត្រាំកក់ ខេត្តតាកែវ។
យោងតាមរបាយការណ៍របស់អធិការដ្ឋាននគរបាលស្រុកត្រាំកក់ បានឲ្យដឹងថា ជនសង្ស័យដែលឃាត់ខ្លួន ទី១.ឈ្មោះ លី វាសនា ភេទប្រុស អាយុ១៩ឆ្នាំ រស់នៅភូមិប្របសៀម ឃុំឧត្តមសូរិយា ស្រុកត្រាំកក់ ខេត្តតាកែវ ទី២.ឈ្មោះ ម៉ន មករា ភេទប្រុស អាយុ២១ឆ្នាំ រស់នៅភូមិអង្គក្រឡាញ់ ឃុំជាងទង ស្រុកត្រាំកក់ ខេត្តតាកែវ និងទី៣.ឈ្មោះ ឈឹម នឿន ភេទប្រុស អាយុ២០ឆ្នាំ រស់នៅភូមិត្រពាំងឈូក ឃុំលាយបូរ ស្រុកត្រាំកក់ ខេត្តតាកែវ។
ក្រោយពីឃាត់ខ្លួន សមត្ថកិច្ចបានដកហូតថ្នាំញៀនប្រភេទម្សៅក្រាមពណ៌សថ្លាចំនួន៦កញ្ចប់តូច, ម៉ូតូ១គ្រឿងទូរស័ព្ទដៃ១គ្រឿង។
បច្ចុប្បន្ន ជនសង្ស័យ ត្រូវបានកម្លាំងជំនាញកសាងសំណុំរឿង ចាត់ការតាមនីតិវិធី៕ ភ្នំដា
