សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប ៖ កម្លាំងកងរាជអាវុធហត្ថថ្លែងថា ជនសង្ស័យ២នាក់កាត់ក្បាលបុរសម្នាក់យកទៅបាត់កាលពី៤ថ្ងៃមុន នៅខេត្តកំពតនោះ នៅល្ងាចថ្ងៃទី២៤ ខែវិច្ឆិកា ឆ្នាំ២០១៧ ត្រូវបានចាប់ខ្លួនបានហើយនៅចំណុចមុខផ្សារលើធំថ្មី ក្រុងសៀមរាប ខេត្តសៀមរាប។
ប្រភពនៅមិនទាន់ បញ្ជាក់លំអិតនៅឡើយ ជុំវិញការចាប់ខ្លួន ជនដៃដល់នេះ ដោយកំពុងសាកសួរ នៅទីបញ្ជាការ អាវុធហត្ថ ខេត្តសៀមរាបនោះនៅឡើយទេ។
គួរបញ្ជាក់ថា មានករណីកាត់ក្បាលជនរងគ្រោះ យកទៅបាត់ នៅសល់តែដងខ្លួន ស្ថិតនៅចំណុចខ្ទមចាំដីស្រែរបស់ ជនរងគ្រោះ ស្ថិតក្នុង ភូមិដំណាក់ត្រយឹង ឃុំតាកែន ស្រុកទឹកឈូក ខេត្តកំពត កាលពីថ្ងៃទី២០ ខែវិច្ឆកា ឆ្នាំ២០១៧ ។
ជនរងគ្រោះ ឈ្មោះ អយ សុខ ភេទប្រុស អាយុ៦២ឆ្នាំ រស់នៅភូមិ-ឃុំកើតហេតុ ។ ជនរងគ្រោះត្រូវបានឃាតកកាត់ក្បាលយកទៅបាត់ សល់តែដងខ្លួន នៅកន្លែងកើតហេតុ ៕ ស សម
