ភ្នំពេញ៖ ហេតុការណ៍គ្រោះថ្នាក់ចរាចរណ៍មួយ បានកើតឡើង វេលាម៉ោង១០និង៣០នាទីយប់ថ្ងៃទី២៩ ខែវិច្ឆិកា ឆ្នាំ២០១៧ បន្ទាប់ពីរថយន្តធុនធំដឹកឥដ្ឋ បើកលឿនបួងចង្កូតមិនទាន់ ជ្រុលទៅបុកបង្កាន់ដៃស្ពានអាកាសស្តឹងមានជ័យ ក្រឡាប់ចាក់ឥដ្ឋរាយពេញផ្លូវ ប៉ុន្តែសំណាងគ្មានអ្នករងរបួស ស្ថិតតាមបណ្ដោយផ្លូវក្រោមស្ពានស្ទឹងមានជ័យ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
តាមប្រភពព័ត៍មានពីសាក្សីនៅកន្លែងកើតហេតុ បានឲ្យដឹងថា រថយន្តបង្ក ប្រភេទយីឌុប ដឹកឥដ្ឋ ពាក់ស្លាកលេខមុខ ភ្នំពេញ 3A-2252 ពីក្រោយ ក្រុងព្រះសីហនុ 4A-2184 បើកបរដោយបុរសម្នាក់ និងអ្នករួមដំណើរ៣នាក់ទៀត ក្នុងល្បឿនលឿន លុះបើក មកដល់ចំណុចកើតហេតុ ក៏បួងចង្កូតមិនទាន់ ជ្រុលបុកបង្កាន់ដៃស្ពាន បណ្ដាលឲ្យរថយន្តក្រឡាប់ផ្ងារជើង ភ្លាមនោះអ្នករួមដំណើរបាននាំគ្នា ចុះពីលើរថយន្តរត់គេចខ្លួនបាត់អស់ ដោយបន្សល់ទុករថយន្តនៅកន្លែងកើតហេតុ ។
ក្រោយកើតហេតុរថយន្តបង្ក ត្រូវបានកម្លាំងនគរបាលចរាចរណ៍ក្រុង បានចុះមកវាស់វែង និងស្ទួចយកទៅរក្សាទុកនៅការិយាល័យនគរបាលចរាចរណ៍ជើងគោក ដើម្បីរង់ចាំដោះស្រាយតាមច្បាប់ ៕ស តារា
សារព័ត៌មាន នគរវត្ត តែងតែនាំមុខគេជានិច្ច
