លោក ហ៊ុន ម៉ានីបាននាំយកឈុតគ្រឿងអលង្ការមាសសម្រាប់រូបចម្លាក់នាសម័យអង្គរ ពីចក្រភពអង់គ្លេសមកដល់មាតុភូមិវិញហើយ

ភ្នំពេញ៖ នៅព្រឹកថ្ងៃទី២ ខែធ្នូ ឆ្នាំ២០១៧ នេះ គណៈប្រតិភូក្រសួង វប្បធម៌ និងវិចិត្រសិល្បៈ រួមទាំងថ្នាក់ដឹកនាំសហភាពសហព័ន្ធយុវជនកម្ពុជា ដែលដឹកនាំផ្ទាល់ដោយ លោក ហ៊ុន ម៉ានីបាននាំយកឈុតគ្រឿងអលង្ការមាសសម្រាប់រូបចម្លាក់នាសម័យអង្គរ ពីចក្រភពអង់គ្លេសមកដល់មាតុភូមិវិញហើយ។

គ្រឿងអង្ការមាសសម្រាប់លម្អរលើរូបចម្លាក់នាសម័យអង្គរ សរុបរួមមាន១០មុខ ដែលជាសម្បត្តិបេតិកភណ្ឌមនុស្សជាតិ ដ៏វិសេសវិសាលពុំអាចកាត់ថ្លៃបាន។ សម្បត្តិទាំងនេះជាផ្នែកមួយ នៃដួងព្រលឹងរបស់បុព្វបុរសខ្មែរពិតៗនាសម័យអង្គរ៕  សុខ ខេមរា