សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យ៉ាងហោចណាស់មនុស្សប្រុសស្រី៥នាក់ បានរងរបួសធ្ងន់ ស្រាលដោយសារករណីគ្រោះថ្នាក់ចរាចរណ៍រវាងម៉ូតូបុកគ្នាកាលពីវេលាម៉ោង៣ និង៤០នាទីរសៀលថ្ងៃទី៣ ខែឆ្នូ ឆ្នាំ២០១៧នៅ លើផ្លូវជាតិលេខ ០១ ចន្លោះបង្គោលគីឡូលេខ ១៣៧-១៣៨ ស្ថិតនៅភូមិប្រសូត្រ១ ឃុំកណ្តៀងរាយ ស្រុកស្វាយទាប ខេត្តស្វាយរៀង។
បើតាមសមត្ថកិច្ចនគរបាលបានឲ្យនគរវត្តដឹងថា នៅមុនពេលកើតហេតុគឺម៉ូតូបង្កហេតុម៉ាក ហុងដាសេ១២៥ ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ ភ្នំពេញ ២GB.8641បើកបរដោយឈ្មោះ សៅ សុណាន់ ភេទប្រុស អាយុ46 ឆ្នាំ មុខរបរ កម្មករ ជនជាតិខ្មែរ មានលំនៅដ្ឋានភូមិអង្គស្វាយ ឃុំប្រសូត្រ ស្រុកស្វាយទាប ខេត្តស្វាយរៀងឌុប អ្នករួមដំណើរមានឈ្មោះ សេង វណ្ណា ភេទស្រី អាយុ ៣៧ឆ្នាំ ជនជាតិខ្មែរ រស់នៅភូមិឃុំជាមួយគ្នា និងឈ្មោះ សុច មិថុនា ភេទ ស្រី អាយុ ០៨ ឆ្នាំ រស់នៅភូមិ ឃុំជាមួយគ្នា ក្នុងទិសដៅពីកើតទៅលិចរួចបត់ឆ្វេងមិនប្រយត្ន័ ស្រាប់តែទៅបុកម៉ូតូម៉ាក ហុងដាឌ្រីម ស៊េរីឆ្នាំ ២០១៥ ពណ៌ខ្មៅ ស្លាកលេខ ស្វាយរៀង ១H ៨២២៥ គីខាងម៉ូតូរងគ្រោះបើកបរដោយឈ្មោះ ប៉ុល សុធា ភេទប្រុស អាយុ២២ឆ្នាំ ជនជាតិខ្មែរ មុខរបរ កសិករ មានទីលំនៅ ស្រុក ចន្ទ្រា ខេត្តស្វាយរៀងនិង អ្នករួមដំណើរ ឈ្មោះ ទឹម ឌីណា ភេទប្រុស អាយុ ២២ឆ្នាំ មុខរបរ កសិករ រស់នៅភូមិឃុំជាមួយគ្នាយ៉ាងពេញទំហឺងបណ្ដាលឲ្យដួលរណូករណែលពេញផ្លូវ ត្រូវបានសមត្ថកិច្ចជួយសង្គ្រោះដឹកយកទៅព្យាបាលនៅមន្ទីរពេទ្យបង្អែកស្វាយទាបភ្លាមៗផងដែរ។
សមត្ថកិច្ចបានបញ្ជាក់ថា មូលហេតុដោយសារតែអ្នកបើកបរម៉ូតូម៉ាកហុងដាស៊េរីឆ្នាំ២០១៦ បត់ឆ្វេងមិនប្រយត្ន័ ។
ចំពោះមធ្យោបាយទាំង០២គ្រឿងត្រូវបានសមត្ថកិច្ចជំនាញយកមករក្សាទុកនៅអធិការដ្ឋាននគរបាលស្រុកនិងកសាងសំណុំរឿងតាមច្បាប់៕ យឹម សុថាន
