សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មានករណីអគ្គិភ័យឆាបឆេះឃ្លាំងក្រដាស់ធៀបការ បណ្តាលឲ្យឆាបឆេះ យ៉ាងសន្ធោសន្ធៅ បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋ រួមនិងកងកម្លាំងសមត្ថកិច្ចមូលដ្ឋាននិងរថយន្តពន្លត់អគ្គិភ័យជាច្រើនគ្រឿងចុះមកបាញ់ពន្លត់។
ហេតុការណ៍នេះកើតឡើងកាលពី វេលាម៉ោង៣និង៤០នាទីទៀបភ្លឺ ថ្ងៃសៅរ៍ ៦រោច ខែមិគសិរ ឆ្នាំរកា នព្វស័ក ព.ស.២៥៦១ ថ្ងៃទី៩ ខែធ្នូ ឆ្នាំ២០១៧ នៅតាមបណ្ដោយផ្លូវ១៩៣ សង្កាត់ ទំនប់ទឹក ខណ្ឌចំការមន រាជធានីភ្នំពេញ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ ស្រាប់តែមានអគ្គិភ័យឆាបឆេះ ឃ្លាំង ក្រដាស់ធៀបការ ឆាបឆេះយ៉ាងសន្ធោសន្ធៅតែម្តង បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋខ្លះនាំគ្នាយកបំពង់ពន្លត់អគ្គិភ័យមកបាញ់ពន្លត់ដើម្បីទប់ស្កាត់ស្ថានការណ៍ជាបឋម និងខ្លះទៀតរាយការណ៍ជូនសមត្ថកិច្ចមូលដ្ឋានដើម្បីអន្តរាគមន៍ហៅរថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញជាច្រើនគ្រឿងមកបាញ់ពន្លត់ដល់កន្លែងកើតហេតុ រហូតរលត់ទៅវិញជាស្ថាពរ មិនបណ្តាលឲ្យឆេះរាលដាលផ្ទះប្រជាពលរដ្ឋដែលនៅក្បែរនោះឡើយ គ្រាន់តែខូចខាតសំភារៈមួយចំនួនធំ តែប៉ុណ្ណោះ៕ ស រស្មី
