សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នាព្រឹកថ្ងៃពុធ ១០រោច ខែមិគសិរ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១៣ ខែធ្នូឆ្នាំ២០១៧ លោក ឯក ឃុនដឿន អភិបាលនៃគណៈអភិបាលខណ្ឌទួលគោក បានដឹកនាំកម្លាំងគណៈបញ្ជាការឯកភាពរដ្ឋបាលខណ្ឌ ចុះរៀបចំសណ្តាប់ធ្នាប់ របៀបរៀបរយសាធារណៈ និងអនាម័យ ជារៀងរាល់ថ្ងៃនៅក្នុងមូលដ្ឋានរបស់ខ្លួន ដើម្បីបញ្ចៀសការកក់ស្ទះចរាចរណ៍នៅតាមដងផ្លូវ និងធ្វើការណែនាំ ដល់បងប្អូនប្រជាពលរដ្ឋ ដែលតែងតែដាក់តាំងលក់សម្ភារៈផ្សេងៗ រំលោភលើចិញ្ចើមផ្លូវសាធារណៈ ជាពិសេសគឺនៅជុំវិញផ្សារមិនឲ្យមានសំរាមកក់ស្ទះនៅតាមដេប៉ូនោះទេ ។
ក្នុងយុទ្ធនាការនោះដែរ លោក ឯក ឃុនដឿន ក៏បានសូមណូមពរ ក្រុមការងារសណ្តាប់ធ្នាប់ខណ្ឌទួលគោក បន្តររៀបចំសណ្តាប់ធ្នាប់នៅតាមដងផ្លូវក្នុងមូលដ្ឋានខណ្ឌទួលគោក របស់ខ្លួនដែរកន្លងមកមានការកក់ស្ទះដល់ប្រជាពលរដ្ឋធ្វើដំណើរតាមផ្លូវ និងជុំរុញ ការកាត់សំយាប នៅផ្លូវលេខ២៧១ ចុះធ្វើអនាម័យនៅផ្លូវ១១០និងសហការជាមួយសាធារណការនិងភ្នាក់ងារបរិស្ថានផងដែរ ។
កន្លងមករដ្ឋបាលខណ្ឌ តែងតែចុះរៀបចំសន្តិសុខ សណ្តាប់ធ្នាប់សាធារណៈ ជាប្រចាំនៅតាមបណ្តោយមហាវិថីធំៗ ក្នុងមូលដ្ឋានខណ្ឌ ជាក់ស្តែងមានបងប្អូនប្រជាពលរដ្ឋខ្លះនៅតែបន្តយកចិញ្ចើមផ្លូវសាធារណៈប្រកបអាជីវកម្មផ្សេងៗ ហើយក៏សូមថ្លែងអំណរគុណ ចំពោះបងប្អូនប្រជាពលរដ្ឋ ក្នុងចូលរួមសហការ និងគោរពតាមការណែនាំរបស់អាជ្ញាធរយើង ដើម្បីថែរក្សាសណ្តាប់ធ្នាប់ បរិស្ថាន អនាម័យ និងសោភ័ណភាពក្នុងរាជធានីភ្នំពេញ ៕ ស តារា
